Bas prokýratýra el azamattaryn Qazaqstan zańdaryn saqtaýǵa shaqyrdy. Bul týraly vedomstvo óziniń resmi saitynda habarlady.
«Osyǵan qaramastan, áleýmettik jelilerde jekelegen adamdar elimizdiń iri qalalarynda osyndai aktsiialardy ótkizýge arandatýshy shaqyrýlar taratýyn jalǵastyrýda. Quqyqtyq tártip organdarynyń qyzmetkerlerine kúsh kórsetýge jáne tirshilikti qamtamasyz etý obektileriniń jumysyna kedergi keltirýge itermeleýde. Bas prokýratýra zańdylyqty saqtaýǵa, ruqsat etilmegen jariia aktsiialar uiymdastyrýdan jáne olarǵa qatysýdan tartynýǵa qaita shaqyrady», - delingen Bas prokýratýranyń habarlamasynda.
Sondai-aq onda osy quqyqqa qaishy is-áreketterge qatysy bar adamdarǵa quqyq qorǵaý organdary qoldanystaǵy zańnama sheńberinde qylmystyqqa deiingi, eń qatań jaýapkershilik sharalaryn qoldanatyndyǵy aitylǵan.
Aita keteiik, Bas prokýratýra osyǵan deiin zańsyz mitingilerdi, sherýlerdi uiymdastyrýǵa jáne qatysýǵa jol berilmeitindigin túsindirgen bolatyn.
