QR Bas prokýratýrasy áleýmettik jelilerde taraǵan videoǵa qatysty pikir bildirdi. Onda iri kólemde aqsha jymqyrǵan Bergei Rysqaliev kóshede júr, dep xabarlaidy QazAqparat tilshisi.
Bas prokýrordyń orynbasary Marat Axmetjanovtyń aitýynsha, Atyraý oblysynyń eks-ákimi Bergei Rysqalievti Ulybritaniiada túsirip alǵan. Atalǵan memleketpen sottalǵan azamattardy ustap tapsyrý boiynsha ózara kelisim joq. Degenmen, jemqor sheneýnikti basqa joldarmen aldyrtý sharalary qarastyrylyp jatyr.
"Árine, biz ol videony kórdik. Endi, ol - xalyqaralyq izdeýde júrgen azamat. Bárińiz bilesizder, Qazaqstanda oǵan qatysty qylmystyq is bar. Sondyqtan onyń jaýapkershiligi áli de qaralady. Ókinishke qarai, bizde Ulybritaniiamen qashyp ketken azamattardy bir-birimizge berýge qatysty kelisimshart joq. Biraq bizdiń barlyq quqyqtyq suraýlarymyz Interpolǵa da, bárine jan-jaqty jiberildi", - dedi M.Axmetjanov Ortalyq kommýnikatsiialar qyzmetinde ótken baspasóz máslixatynda.
