AQSh-ta sybailastarymen birge adam ólimine qatysy bar degen aiyppen 40 jylǵa sottalǵan otandasymyz Ásel Adyǵapparova Qazaqstanǵa ákelinbeidi, dep habarlaidy Ulysmedia.kz.
AQSh-tyń San-Antonio sotynyń 2003 jylǵy úkimimen otandasymyz Ásel Adyǵapparova ómir boiyna sottalǵan bolatyn. Keiin apelliatsiialyq sot otyrysy ótip, oǵan túpkilikti 40 jyl bas bostandyǵynan aiyrý jazasy taǵaiyndaldy.
Ásel 1998 jyly AQSh-qa magistratýraǵa túsý úshin ketedi. Alaida 2001 jyly Áseldiń jigiti men dosy amerikalyq Roza Rosadony urlap, qonaq úide azaptap óltirip, keiin denesin kómip tastaidy. Otandasymyz adam óltirýge qatyspasa da, Rozany bailaýǵa dúkennen japsyrma qaǵaz satyp alǵan. Keiin ol óz aiaǵymen politsiia bólimshesine baryp, qylmysty moiyndap, tipti jigiti men dosynyń Rozany qai jerge kómgenin de aityp bergen.
AQSh soty Áseldiń eki sybailasyn ólim jazasyna kesti. Qazir otandasymyz AQSh túrmesinde jazasyn ótep jatyr. QR Bas prokýratýrasy Ásel Adyǵapparova Qazaqstanǵa ekstraditsiialanbaitynyn kesip aitty.
"Azamatsha Ásel Adyǵapparovany 1993 jyly 9 maýsymdaǵy Shetelde qylmystyq jazasyn óteý týraly amerikaaralyq konventsiiaǵa nemese ózara túsinistik qaǵidatyna sáikes AQSh-tan Qazaqstanǵa aýystyrý júzege asyrylmady", - dedi QR Bas prokýratýrasynyń baspasóz qyzmeti.
Adyǵapparova AQSh túrmesinde sábiin dúniege ákelgenin aita ketý kerek. Biraq balasy qaida ekeni belgisiz. Al sábidiń ákesi – Áseldiń sybailasy.
