QR Bas prokýratýrasy Le Figaro frantsýz gazeti arqyly Muhtar Ábliazovty jaýap alýǵa shaqyrtty, dep habarlaidy "Ult aqparat" vedomstvonyń baspasóz qyzmetine silteme jasap.
«Qylmystyq-protsesýaldyq kodekstiń 205-baby 3-bóligine sáikes, kúdikti Qazaqstan Respýblikasynan tys elde júrgendikten jáne sotqa deiingi tergeý organyna kelýden jaltarǵandyqtan jaýap alý úshin kúdiktiniń júrgen jeriniń buqaralyq aqparat quraldary arqyly oǵan arnaiy shaqyrtý jariialanady. 3 tamyzda Le Figaro frantsýz gazetinde Ábliazov myrzaǵa 2018 jylǵy 16 tamyzda saǵat 15:00-de Qazaqstan Respýblikasynyń Bas prokýratýrasyna túsinik berý úshin kelý qajet ekeni týraly habarlama jariialandy», delingen habarlamada.
Buǵan deiin, 31 tamyzda QR Bas prokýratýrasy «BankTuranÁlem» AQ-nyń burynǵy basqarma basshysy Erjan Tátishevti qasaqana óltirý deregi boiynsha tergeý amaldaryna qatysý úshin Muhtar Ábliazovke resmi saitta shaqyrtý jariialaǵan edi.
