QR Bas memlekettik sanitariialyq dárigeri Aijan Esmaǵambetova Qazaqstan Respýblikasy halqy arasynda COVID-19 koronavirýs infektsiiasynyń taralýynyń aldyn alý maqsatynda jańa karantindik qaýlyǵa qol qoidy, dep habarlaidy QazAqparat.
Jańa qujatta ioga jáne spa ortalyqtary, fitnes-klýbtary, monsha, saýna, bassein, kompiýterlik klýbtar, boýling, biliard, karaoke, kórme, teatr syndy nysandarǵa «Ashyq» jobasyn engizý jáne iske asyrý jalǵasatyny jazylǵan.
Qosa berilip otyrǵan:
1. osy qaýlyǵa 1-qosymshaǵa sáikes, «Ashyq» jobasyna jańa qatysýshylardy qosý algoritmi;
2. osy qaýlyǵa 2-qosymshaǵa sáikes, «Ashyq» jobasyn engizý jáne «qyzyl» mártebesi bar kelýshilerdi anyqtaý kezinde sharalar qabyldaý algoritmi;
3. osy qaýlyǵa 3-qosymshaǵa sáikes, ereje buzǵan qatysýshylardy «Ashyq» jobasynan shyǵarý algoritmi;
4. osy qaýlyǵa 4-qosymshaǵa sáikes, «Ashyq» jobasyna qatysatyn áleýmettik-ekonomikalyq obektilerdiń qyzmetin shekteý ólshemsharttary bekitiledi.
QR Tsifrlyq damý, innovatsiialar jáne aeroǵarysh ónerkásibi ministrligine obektilerde engizý kezinde «Ashyq» jobasyn tehnikalyq qoldaý júktelgen.
Oblystardyń, Nur-Sultan, Almaty, Shymkent qalalarynyń ákimderi, «Atameken» UKP (kelisý boiynsha) quzyretine sáikes sharalar qabyldaidy jáne:
1) osy qaýlynyń 1 jáne 2-tarmaqtaryna sáikes, obektilerde «Ashyq» jobasyn engizýdi;
2) osy qaýlynyń 1 jáne 2-tarmaqtaryna sáikes, jobany iske asyrýǵa qatysatyn obektilerdiń tizbesin aiqyndaýdy;
3) halyqty, jeke jáne zańdy tulǵalardy jobaǵa qatysatyn obektilerge kirý úshin «Ashyq» mobildi qosymshasyn, onyń ishinde basqa da platformalardy (mysaly, eGov mobile, Aitu, Kaspi.kz, Halyk Bank, Sberbank.kz, Alfa-Bank platformasyndaǵy analogy, www.ashyq.kz saity) paidalaný qajettigi týraly habardar etýge mindetteledi.
«Ashyq» jobasyna qatysýshylar:
1) osy qaýlyǵa 2-qosymshaǵa sáikes, «Ashyq» jobasyn engizýge jáne oǵan qatysýǵa qoiylatyn talaptardyń saqtalýyn qamtamasyz etedi;
2) óńir «qyzyl» aimaqtan «sary» aimaqqa nemese «sary» aimaqtan «jasyl» aimaqqa aýysqan kezde osy qaýlyǵa 2-qosymshaǵa sáikes talaptardy saqtaýdy jalǵastyrady;
3) osy qaýlynyń talaptarynyń saqtalýyn qamtamasyz etedi.
«Ashyq» jobasyn engizý týraly» QR Bas memlekettik sanitariialyq dárigeriniń 2022 jylǵy 27 qańtardaǵy №7 qaýlysynyń kúshi joiyldy dep sanalady.
Qaýlynyń tolyq nusqasyn QR DSM Sanitariialyq-epidemiologiialyq baqylaý komitetiniń resmi saitynan oqýǵa bolady.
