Bas memlekettik sanitariia dárigeriniń qaýlysy jariialandy, - dep habarlaidy Tengrinews.kz tilshisi Sanitariialyq-epidemiologiialyq baqylaý komitetiniń baspasóz qyzmetine silteme jasap.
Qaýlyǵa sáikes birqatar nysanda Ashyq jobasy júzege asyrylatyny belgili boldy. Bul qatarda ioga ortalyqtary, fitnes-klýbtary, spa-ortalyqtary, monsha, saýna, basseinder, PlayStation klýbtaryn eseptegende, kompiýter, boýling klýbtary, kinoteatrlar, teatrlar men filarmoniialar, kóshe taǵamdary, qoǵamdyq tamaqtaný nysandary, jazǵy alańdar, banket zaldary, ashana úlgisindegi qoǵamdyq tamaqtaný nysandary, oblysaralyq jáne qalalyq turaqty emes (týristik) tasymaldar, oblysaralyq jáne oblysishilik turaqty tasymaldar, biliard klýbtary, kontsert zaldary, karaoke, kórmeler, okeanariým, marafondar, kórermender qatysatyn sporttyq is-sharalar, áýejailar, lotereia klýbtary jáne lotereia satatyn ózge de oryndar bar.
"Ashyq jobasy balalardyń (jabyq) oiyn-saýyq ortalyqtary, tsirkter, qonaq úiler, saýda jelileri, saýda alańy 6000 sharshy metrden asatyn (azyq-túlik) saýda jelileri, balalardy saýyqtyrý ortalyqtar, býkmeker keńseleri, sulýlyq ortalyqtary men salondar, shashtarazdar, halyqqa qyzmet kórsetý ortalyqtary, temirjol vokzaldary jáne avtovokzaldar, bazarlar (jabyq), saýda-oiyn-saýyq ortalyqtary, saýda úileri, pedikiýr qyzmetterin kórsetý, kosmetikalyq jáne kosmetologiialyq qyzmetter kórsetetin salondary, bilim berý uiymdary, sport keshenderi, sport-saýyqtyrý ortalyqtary, bilim berý uiymdarynda bilim alýshylardyń turatyn jataqhanalar men internattar, dini nysandar, oiyn klýbtary, "Qorǵas" shekara mańy yntymaqtastyǵy halyqaralyq ortalyǵy, túngi klýbtar, bankter, "Qazpochta" AQ bólimshelerinde júzege asyrylsyn", - delingen habarlamada.
Oblystardyń, Nur-Sultan, Almaty, Shymkent qalalarynyń ákimderi, "Atameken" UKP quzyretine sáikes jumys jáne demalys kúnderi Ashyq jobasyna qatysatyn nysandardyń jumys rejimi bekitildi.
"Qyzyl" aimaqta ornalasqan óńirlerde saǵat 00.00-ge deiin, Ashyq jobasynyń kóshbasshylary úshin saǵat 02.00-ge deiin, "sary" aimaqta ornalasqan óńirlerde saǵat 01.00-ge deiin, Ashyq jobasynyń kóshbasshylary úshin saǵat 03.00-ge deiin, "jasyl" aimaqta ornalasqan óńirlerde saǵat 03.00-ge deiin, Ashyq jobasynyń kóshbasshylary úshin saǵat 05.00-ge deiin belgilensin", - delingen qaýlyda.
Demalys kúnderi qyzmetkerler men qonaqtarda qaýipsiz "jasyl" mártebesi bolsa, (vaktsina, synama alǵan sátten bastap 7 táýlikten aspaityn teris nátijesi bar PTR testtiń bolýy, KVI-ge qarsy vaktsina alǵan turaqty meditsinalyq qarsy kórsetilimderdiń bolýy nemese keiingi 3 ai ishinde KVI-men aýyryp jazylǵan adamdar bolsa) nysandardyń jumys isteýine ruqsat beriledi.
Sondai-aq, "jasyl" mártebesi bolýyna jáne jumys rejimin shekteýge qoiylatyn talap oblysaralyq jáne oblysishilik turaqty tasymalǵa, qonaq úilerge, áýejailarǵa, temirjol, avtokólik jáne sý vokzaldaryna, ózen jáne teńiz porttaryna, avtostantsiialarǵa/avtokólik joldaryna, jolaýshylarǵa qyzmet kórsetý beketterine, bilim berý nysandaryna, JOO-ǵa, kolledjderge, internattarǵa, bilim berý uiymdarynyń jataqhanalaryna qoldanylmaityny aityldy.
