QR DSM Sanitariialyq-epidemiologiialyq baqylaý komiteti saitynda Bas memlekettik sanitar dárigeri Erlan Qiiasovtyń jańa qaýlysy jariialandy, dep habarlaidy "Ult aqparat".
Jańa qaýlyǵa sáikes, bosanatyn júkti áielge perzenthanaǵa seriktesin ertip kirýge ruqsat etilmek. Ol úshin seriktes adamda nátijesi berilgen kúnnen bastap 3 táýlikten aspaǵan PTR ádisimen COVID-19-ǵa testiniń teris nátijesi bar anyqtama bolýy shart.
«Qazaqstan Respýblikasynyń memlekettik shekarasyndaǵy ótkizý pýnktterinde koronavirýstyq infektsiia aýrýynyń aldyn alý jónindegi sharalardy odan ári kúsheitý týraly» Qazaqstan Respýblikasynyń Bas memlekettik sanitariialyq dárigeriniń 2020 jylǵy 23 qazandaǵy № 59 qaýlysyna tiisti ózgerister engzildi.
«1) Qazaqstan Respýblikasyna shetelden aviareistermen keletin adamdarǵa qatysty is-sharalardy mynadai tártippen júrgizýdi qamtamasyz etsin: ertip júretin adamdarda Qazaqstan Respýblikasynyń Memlekettik shekarasyn kesip ótken sátte nátijesi berilgen kúnnen bastap 3 táýlikten aspaityn PTR ádisimen COVID-19-ǵa testiniń teris nátijesi bar anyqtama bolǵan kezde 5 jasqa deiingi balalardy, Qazaqstan Respýblikasynyń úkimettik delegatsiialaryn; aviakompaniialar ekipajdaryn qospaǵanda, barlyq kelgen adamdar Anyqtama usynýǵa mindetti;
Qazaqstan Respýblikasynyń úkimettik delegatsiialaryn; aviakompaniialar ekipajdaryn qospaǵanda, Qazaqstan Respýblikasyna shetelden halyqaralyq jolaýshylar aviareisterimen kelgen adamdarǵa qatysty shekteý sharalary osy qaýlyǵa 1-qosymshaǵa sáikes júrgiziledi», - delingen qujatta.
Osy qaýly 2020 jylǵy 8 jeltoqsanda saǵat 00:00-den bastap kúshine enedi.
Atalǵan qaýlynyń tolyq nusqasymen myna jerden tanysýǵa bolady.
