Alty aiǵa bas bostandyǵy shektelgen Qýat Hamitovtyń menedjeri sportshynyń nemen ainalysatynyn aitty, dep habarlaidy Sputnik Qazaqstan.
"Naqty jospar joq, alaida ol ár úsh ai saiyn jekpe-jekke shyǵady. Alty aida eki jekpe-jekten qaǵylyp tur. Aldaǵy jarty jylǵa basqa jospary joq bolatyn. Endi eki jekpe-jekti keiinge qaldyramyn dep otyr. Biraq sottan keiin telefon qońyraýyna jaýap bergen joq", - dedi Ádil esimdi kómekshisi .
Aitýynsha, ol tek sportshyny alty ai bas bostandyǵynan shektegenin biledi. Sondai-aq, jelide jazba jariialaýǵa bolmaitynyna erekshe kóńil bóldi.
"Naqty qandai sanktsiia engizgenin bilmeimin. Alty aida áleýmettik jelide jazba jariialaýyna bolmaidy. Endi jarty jyl Almatyda jattyǵady", - dedi ol.
Aita keteiik, 28 qańtarda Almaty qalasy Almaly aýdanynda Qylmystyq kodekstiń 272-babynyń 3-bóligi boiynsha Qýat Hamitov kináli dep tanyldy.
Qýat Hamitov bilik ókilderine belsendi túrde baǵynbaýǵa shaqyrǵan videosy úshin sotqa shaqyrylǵan bolatyn. Sportshy jasaǵan áreketin tolyq moiyndady. Qýat Hamitov kináli dep tanylyp, alty ai bas bostandyǵynan shekteý týraly úkim taǵaiyndaldy.
Sheshim shyǵarý barysynda sot Hamitovtyń jasaǵan áreketiniń sipaty men qaýiptilik dárejesin, jeke basynyń derekterin, qylmys jasaǵanǵa deiingi jáne keiingi minez-qulqyn, kinásin tolyq moiyndaǵanyn, buryn sotty bolmaǵanyn eskerdi.
Endi ol ýákiletti organǵa habarlamai, turaqty mekenjaiyn ózgertpeýi qajet jáne jumystan bos ýaqytta turǵylyqty jerinen ketpeýi qajet. Túngi 22.00-den tańǵy 6.00-ge deiin úiinde bolyp, kóńil kóteretin, ishimdik ishiletin oryndarǵa barmaýǵa mindetti. Jeke basyn kýálandyratyn qujatty ózimen birge alyp júrýi qajet.
Aita keteiik, 2020 jyly qyrkúiekte sportshy dezinfektsiia jasaýshylar "halyqty ýlap jatyr" dep málimdep, olardy uryp-soǵýǵa úndedi. Keiinnen sportshy ol videonyń ázil retinde túsirilgenin aitty.
* Qylmystyq kodekstiń 272-babynyń 3-bóligi ("bilik ókilderiniń zańdy talaptaryna belsendi túrde baǵynbaýǵa jáne jappai tártipsizdikke shaqyrý ne jappai tártipsizdikke arandatý, sol siiaqty azamattarǵa zorlyq-zombylyq jasaýǵa shaqyrý").
