Ulttyq bank tóraǵasy Erbolat Dosaev turmysy tómen otbasylardyń qaryzyn memleket esebinen óteý sharalary týraly aitty, dep habarlaidy Sputnik Qazaqstan.
Resmi málimetke sáikes, Prezidenttiń tapsyrmasy boiynsha kepilsiz kredit alǵan 5 millionǵa jýyq adamnyń aiyppuldary men ósimpuldary óteledi. Al turmysy tómen azamattar úshin osyndai jeńildikpen birge 300 myń teńgege deiingi qaryz somasy keshiriledi. Biraq kredittiń somasy 3 million teńgeden aspaýy qajet. Turmysy tómen azamattardyń qataryna kópbalaly otbasylar, múgedek balasy bar otbasylar, asyraýshysynan aiyrylǵandar, jetim balalar jáne ataýly áleýmettik kómek alatyndar jatady. Búginde kepilsiz kredit alǵan azamattardyń sany 443 myń.
"Biz 443 myń adam boiynsha jumysty aiaqtap jatyrmyz. 9 shilde kúnin tiisti faildardy júkteitin ýaqyt retinde belgiledik. Al 15 shildege deiin bárin tekserip shyǵamyz. Osylaisha, bankter men mikroqarjylandyrý uiymdary boiynsha barlyq tizim 15 shildege deiin daiyn bolady", - dedi Dosaev senattyń jalpy otyrysynda.
Bas bankirdiń aitýynsha, kredit alǵan adamdardy bankke qaitadan eshkim shaqyrmaidy. Qaryz kelisimderin qaita rásimdeýdiń qajeti joq.
"Biz adamdardy qaǵazǵa qaita qol qoiýǵa shaqyrmaimyz. Tizimderdi tekseretin arnaiy qyzmet bolady. Osydan keiin problemalyq kreditter qory ekinshi deńgeili bankter men mikroqarjylandyrý uiymdarymen kelisimshartqa otyrady. Sóitip, tizim boiynsha aqshany aýdaryp beremiz. Al memlekettik kredit biýrosy 300 myń teńgesi ótelgen árbir adammen habarlasý jaǵyn qadaǵalaityn bolady", - dedi Dosaev.
Aita keteiik, keshe parlament májilisi tiisti zań jobasyn maquldady. Búgin senat ta atalǵan qujatty qabyldady.
