ۇلتتىق بانك تٶراعاسى ەربولات دوساەۆ تۇرمىسى تٶمەن وتباسىلاردىڭ قارىزىن مەملەكەت ەسەبٸنەن ٶتەۋ شارالارى تۋرالى ايتتى, دەپ حابارلايدى Sputnik قازاقستان.
رەسمي مەلٸمەتكە سەيكەس, پرەزيدەنتتٸڭ تاپسىرماسى بويىنشا كەپٸلسٸز كرەديت العان 5 ميلليونعا جۋىق ادامنىڭ ايىپپۇلدارى مەن ٶسٸمپۇلدارى ٶتەلەدٸ. ال تۇرمىسى تٶمەن ازاماتتار ٷشٸن وسىنداي جەڭٸلدٸكپەن بٸرگە 300 مىڭ تەڭگەگە دەيٸنگٸ قارىز سوماسى كەشٸرٸلەدٸ. بٸراق كرەديتتٸڭ سوماسى 3 ميلليون تەڭگەدەن اسپاۋى قاجەت. تۇرمىسى تٶمەن ازاماتتاردىڭ قاتارىنا كٶپبالالى وتباسىلار, مٷگەدەك بالاسى بار وتباسىلار, اسىراۋشىسىنان ايىرىلعاندار, جەتٸم بالالار جەنە اتاۋلى ەلەۋمەتتٸك كٶمەك الاتىندار جاتادى. بٷگٸندە كەپٸلسٸز كرەديت العان ازاماتتاردىڭ سانى 443 مىڭ.
"بٸز 443 مىڭ ادام بويىنشا جۇمىستى اياقتاپ جاتىرمىز. 9 شٸلدە كٷنٸن تيٸستٸ فايلداردى جٷكتەيتٸن ۋاقىت رەتٸندە بەلگٸلەدٸك. ال 15 شٸلدەگە دەيٸن بەرٸن تەكسەرٸپ شىعامىز. وسىلايشا, بانكتەر مەن ميكروقارجىلاندىرۋ ۇيىمدارى بويىنشا بارلىق تٸزٸم 15 شٸلدەگە دەيٸن دايىن بولادى", - دەدٸ دوساەۆ سەناتتىڭ جالپى وتىرىسىندا.
باس بانكيردٸڭ ايتۋىنشا, كرەديت العان ادامداردى بانككە قايتادان ەشكٸم شاقىرمايدى. قارىز كەلٸسٸمدەرٸن قايتا رەسٸمدەۋدٸڭ قاجەتٸ جوق.
"بٸز ادامداردى قاعازعا قايتا قول قويۋعا شاقىرمايمىز. تٸزٸمدەردٸ تەكسەرەتٸن ارنايى قىزمەت بولادى. وسىدان كەيٸن پروبلەمالىق كرەديتتەر قورى ەكٸنشٸ دەڭگەيلٸ بانكتەر مەن ميكروقارجىلاندىرۋ ۇيىمدارىمەن كەلٸسٸمشارتقا وتىرادى. سٶيتٸپ, تٸزٸم بويىنشا اقشانى اۋدارىپ بەرەمٸز. ال مەملەكەتتٸك كرەديت بيۋروسى 300 مىڭ تەڭگەسٸ ٶتەلگەن ەربٸر اداممەن حابارلاسۋ جاعىن قاداعالايتىن بولادى", - دەدٸ دوساەۆ.
ايتا كەتەيٸك, كەشە پارلامەنت مەجٸلٸسٸ تيٸستٸ زاڭ جوباسىن ماقۇلدادى. بٷگٸن سەنات تا اتالعان قۇجاتتى قابىلدادى.
