QHL-da transferlik tereze jabyldy, «Barys» Darren Ditstiń ornyna eshkimdi almady, dep habarlaidy QazAqparat Sports.kz saityna silteme jasap.
«Barystan» kapitannyń ketý sebebin baspasóz máslihaty barysynda klýb prezidenti Boris Ivanishev aityp berdi.
«Darrenniń «Barysqa» da, Qazaqstanǵa da bergeni az emes, ol – otandyq hokkeidegi belgili tulǵa, alaida oǵan da, bizge de ári qarai jyljityn ýaqyt týdy. Sońǵy kezderi ol halyq nazarynda boldy. Basqa oiynshylardyń da ózderin kórsetetin ýaqyty keldi, sol sebepti osyndai sheshimge keldik. Birneshe tańdaý boldy, alaida TsSKA dep sheshildi. (…) Biz bas jattyqtyrýshymen de, úsheýmiz de aqyldastyq. Oǵan da, klýbqa da eń qolailysy osy boldy. Bizdiń oiynshylardyń damýyna da bul paidaly, olar endi ózderin kórsete alady», - dedi Boris Ivanshev.
Eske sala keteiik, qazaqstandyq «Barys» hokkei klýbynyń qorǵaýshysy Darren Dits reseilik TsSKA-ǵa ótti, qazaqstandyq tarap ótemaqy alady.
