قحل-دا ترانسفەرلٸك تەرەزە جابىلدى, «بارىس» داررەن ديتستٸڭ ورنىنا ەشكٸمدٸ المادى, دەپ حابارلايدى قازاقپارات Sports.kz سايتىنا سٸلتەمە جاساپ.
«بارىستان» كاپيتاننىڭ كەتۋ سەبەبٸن باسپاسٶز مەسليحاتى بارىسىندا كلۋب پرەزيدەنتٸ بوريس يۆانيششەۆ ايتىپ بەردٸ.
«داررەننٸڭ «بارىسقا» دا, قازاقستانعا دا بەرگەنٸ از ەمەس, ول – وتاندىق حوككەيدەگٸ بەلگٸلٸ تۇلعا, الايدا وعان دا, بٸزگە دە ەرٸ قاراي جىلجيتىن ۋاقىت تۋدى. سوڭعى كەزدەرٸ ول حالىق نازارىندا بولدى. باسقا ويىنشىلاردىڭ دا ٶزدەرٸن كٶرسەتەتٸن ۋاقىتى كەلدٸ, سول سەبەپتٸ وسىنداي شەشٸمگە كەلدٸك. بٸرنەشە تاڭداۋ بولدى, الايدا تسسكا دەپ شەشٸلدٸ. (…) بٸز باس جاتتىقتىرۋشىمەن دە, ٷشەۋمٸز دە اقىلداستىق. وعان دا, كلۋبقا دا ەڭ قولايلىسى وسى بولدى. بٸزدٸڭ ويىنشىلاردىڭ دامۋىنا دا بۇل پايدالى, ولار ەندٸ ٶزدەرٸن كٶرسەتە الادى», - دەدٸ بوريس يۆانششەۆ.
ەسكە سالا كەتەيٸك, قازاقستاندىق «بارىس» حوككەي كلۋبىنىڭ قورعاۋشىسى داررەن ديتس رەسەيلٸك تسسكا-عا ٶتتٸ, قازاقستاندىق تاراپ ٶتەماقى الادى.
