Elimizde ashyq aspan astynda yntymaǵymyz jarasyp, tatý-tátti ómir súrip jatqanymyz úshin Jaratýshyǵa shúkirshiligimizdi bildiremiz. Qazaqstandaǵy barsha ulttardyń basyn qosyp, birtutas halyqqa ainaldyryp otyrǵan Elbasyna alǵysymyz sheksiz. Bul kúni barsha otandastarymyz qaiyrly isterge úlesin qosyp, bir-birine raqmetin aityp, jaqsy nietin bildiredi. Biregeiligimizdiń basty nyshany – dostyǵymyz ben birligimiz máńgi bolsyn!
Jalpy alǵys aitý degen jai ǵana sózben shektelip qalmai, ony jumysymyzben kórsete bilýimiz kerek. Iaǵni árbir jasaǵan jaqsylyq ol nátijeli bolǵany durys dep esepteimin. Qazirgi tańda ár adam óziniń hál-qareketinshe shynaiy yqylaspen jasap júr. Meniń baǵytym ǵylym-bilimniń alańynda bolǵan soń, kóbine kóp osy baǵytta bilimimdi odan ári shet memleketterde shyńdap, tereńdetýdemin. Onymen toqtap qalmai, alǵan bilimimdi elge kelip ár túrli saladaǵy aýditoriialarǵa dárister oqyp, tájiribemdi jetkizýdemin. Sonymen qatar ózimniń kitap qumarlyǵymnyń arqasynda, eldegi jaryqqa shyǵyp júrgen ǵylymi eńbekterge, kitaptarǵa jáne monografiialarǵa úles qosyp kelemin. Jáne onymen toqtap qalmai biylǵy bir jańalyǵym retinde aitarym, kóp jyldardan beri kitap jazýdy qolǵa alyp, birneshe eńbekterdiń basyn qosyp, jaqsy bir týyndyny oqyrmanǵa jol tartpaqshymyn.
Ómirimdegi áserli sát, men shet elden oqyp kelgen kezde Jambyl oblysy Talas aýdanynyń salyq komitetinde zańger bolyp jumys isteýge barǵan bolatynmyn. Sol jerdegi jergilikti halyqtyń meni óte jyly qabyldaǵany sonshalyqty, qarataýlyq dostarym páterde turýǵa qaldyrmai, óz úilerine alyp ketti. Sóitip men sol úidiń balasyna ainalyp, búgingi tańda jaqyn baýyrǵa ainaldyq. Munymen meniń aitpaǵym qazaq halqynyń keń peiildi, darhan minezdi qasietteri meniń júregimdi baýrap alǵandyǵyn jetkizgim keledi.
Sondai-aq joǵyradyǵy aitqan sózderimniń taǵy bir aiqyndaityn bolsam, tarih betindegi deportatsiialanǵan basqa etnostar ózderiniń qushaq jaia qarsy alǵan qazaq jerine sheksiz alǵystaryn kóz jastarymen jetkizýde. Muny odan ári keiingi urpaqqa ónegeli ósietke jalǵastyryp keledi.
Elbasy N.Á.Nazarbaev: «Qazaqstan halqy assambleiasy qurylǵan kún – 1 naýryzdy jyl saiyn Barlyq etnostardyń bir birine jáne meiirbandyq tanytyp, ol adamdardy óz týǵanyndai qabyldaǵan qazaqtarǵa alǵys aitý kúni retinde atap ótý ádiletti bolar edi. Ol kún bizdi burynǵydan da góri jaqyndastyra túspek. Bul kún meiirimdiliktiń, búkil qazaqstandyqtardyń bir-birine degen dostyǵy men mahabbatynyń jarqyn merekesi bola alar edi», – degen bolatyn. Osyny alǵa tarta kele "Nur Otan" partiiasy "Poitah" bastaýysh uiymynyń tóraǵasy retinde kóptegen jumystardy qolǵa aldyq. Máselen, jas urpaqqa úlgi beretin tárbieli sharalarǵa kóptep mán beremiz. Elimizdegi qariialarymyz ben ardagerlerdi qurmettep, olarǵa sheksiz alǵysymyzdy amalmen kórsetemiz.
Sózimdi támámdai kele, baýyrmal qazaq halqynyń qushaq ashqan keń júregine barsha etnostarmen birge ózimniń rizashylyǵymdy jetkizemin. Alǵys aitý kúnin merekelei otyra, árbir kúnimizdi áreketimiz arqyly alǵystap otyrsaq bul da bir ǵanibet bolady. Alǵystan alǵysqa jete bereiik.
Sherzod Pýlatov,
Qazaqstan halqy Assambleiasynyń Ǵylmi-sarapshylyq kenesiniń múshesi,
Nur Otan partiiasynyń múshesi,
Astana qalasy ózbek etnomádeni ortalyǵynyń tóraǵasy.
.jpeg)