Ádilet Barmenqulov "Qazaqstan fýtbol federatsiiasynyń" jańa basshysy boldy, dep habarlaidy "Ult aqparat".
Elordada QFF-nyń kezekti jiyny ótti. Atalǵan sharada federatsiianyń jańa basshysy sailandy. Jasyryn daýys berý qorytyndysy boiynsha "Shahter" direktorlar keńesiniń tóraǵasy Barmenqulov jeńiske jetti.
Daýys berýge "Qazaqstan fýtbol federatsiiasy" qaýymdastyǵy" ZTB músheleri, sondai-aq QFF Atqarýshy komiteti músheleri men delegattary qatysqan. Daýys berýshilerdiń jalpy sany - 26 adam.
Barmenqulov 14 daýys jinap, Berik Qanievti basyp ozdy (11). Taǵy bir daýysty David Loriia aldy.
«Fýtboldyń damýyna memleket tarapynan da, qoǵam tarapynan da qyzyǵýshylyq bolýy qajet. Bizdiń mindet - memleket pen qoǵam arasynda tyǵyz bailanys ornatý. Fýtbol ulttyq jobaǵa ainalýy kerek. Ol úshin strategiialyq qujat ázirleýimiz qajet. Ol qujatta fýtboldy damytýdyń mindeti men datasy naqty kórsetiledi. Ministrmen kezdesip, naqty josparymyzdy usynamyz», - dedi Ádilet Barmenqulov BAQ ókilderine arnalǵan brifingte.
