Otandyq tanymal aktrisa ári dizainer Aijuldyz Adaibekova jelide áserli jazbamen bólisip, qalyń kópshilikti oilandyryp qoidy. Janar Aijanovanyń qyzy ózin satyp ketken adamdardyń barlyǵyn keshirip, olardyń eshbirine kek saqtamaitynyn jetkizdi dep jazady KAZ.NUR.KZ.
Jaqynda ǵana alǵash ret ana atanǵan Aijuldyz Adaibekova ómirine túrli ózgeris engizýde. Aktrisa joldasymen aiyrylysyp ketken soń shashyn ózge túske boiap, óziniń damýǵa arnalǵan kýrsyn bastap ketti.
Al keshe jas ana Instagram paraqshasynda erekshe jazbamen bólisti. Óner iesi ózin renjitken ári satyp ketken adamdardyń barlyǵyn keshirgenin jazdy.
"Keshirim týraly jazba. Maǵan adal bolmaǵan jandardyń barlyǵyn keshirdim. Meni kerek kezde satyp ketken adamdardyń barlyǵyn keshirdim. Olarǵa tek jaqsylyqty tileimin. Barlyǵy úshin alǵysty sezinip turmyn. Meniń ishki transformatsiiam aiaqtaldy", - dep jazdy Adaibekova.
Jeli qoldanýshylary Aijuldyzdyń bul jazbasynan keiin ony suraqtyń astyna aldy. Qalyń kópshilik keshirgender arasynda onyń burynǵy kúieýi Qyran Talapbektiń bar-joǵyn bilmek bolǵan.
"Ainalaiyn Aijuldyz alla baǵyńdy ashsyn,allaǵa shúkir ata-anań, ulyń janyńda eńseńdi túsirme allanyń bereri kóp", "Jaraisyń, ata-anasynyń adalynan Allanyń bergen balasy da aqyldy tamasha", "Qyrandy keshire aldyń ba? Nege uldaryń úshin qosylmasqa?", "Durys, kek saqtamai, keshirimdi bola bilý kerek", "Myna jazba kimge arnalǵanyn bári bilip turǵan bolar", - dep jazýda halyq.
