وتاندىق تانىمال اكتريسا ەرٸ ديزاينەر ايجۇلدىز ادايبەكوۆا جەلٸدە ەسەرلٸ جازبامەن بٶلٸسٸپ, قالىڭ كٶپشٸلٸكتٸ ويلاندىرىپ قويدى. جانار ايجانوۆانىڭ قىزى ٶزٸن ساتىپ كەتكەن ادامداردىڭ بارلىعىن كەشٸرٸپ, ولاردىڭ ەشبٸرٸنە كەك ساقتامايتىنىن جەتكٸزدٸ دەپ جازادى KAZ.NUR.KZ.
جاقىندا عانا العاش رەت انا اتانعان ايجۇلدىز ادايبەكوۆا ٶمٸرٸنە تٷرلٸ ٶزگەرٸس ەنگٸزۋدە. اكتريسا جولداسىمەن ايىرىلىسىپ كەتكەن سوڭ شاشىن ٶزگە تٷسكە بوياپ, ٶزٸنٸڭ دامۋعا ارنالعان كۋرسىن باستاپ كەتتٸ.
ال كەشە جاس انا Instagram پاراقشاسىندا ەرەكشە جازبامەن بٶلٸستٸ. ٶنەر يەسٸ ٶزٸن رەنجٸتكەن ەرٸ ساتىپ كەتكەن ادامداردىڭ بارلىعىن كەشٸرگەنٸن جازدى.
"كەشٸرٸم تۋرالى جازبا. ماعان ادال بولماعان جانداردىڭ بارلىعىن كەشٸردٸم. مەنٸ كەرەك كەزدە ساتىپ كەتكەن ادامداردىڭ بارلىعىن كەشٸردٸم. ولارعا تەك جاقسىلىقتى تٸلەيمٸن. بارلىعى ٷشٸن العىستى سەزٸنٸپ تۇرمىن. مەنٸڭ ٸشكٸ ترانسفورماتسييام اياقتالدى", - دەپ جازدى ادايبەكوۆا.
جەلٸ قولدانۋشىلارى ايجۇلدىزدىڭ بۇل جازباسىنان كەيٸن ونى سۇراقتىڭ استىنا الدى. قالىڭ كٶپشٸلٸك كەشٸرگەندەر اراسىندا ونىڭ بۇرىنعى كٷيەۋٸ قىران تالاپبەكتٸڭ بار-جوعىن بٸلمەك بولعان.
"اينالايىن ايجۇلدىز اللا باعىڭدى اشسىن,اللاعا شٷكٸر اتا-اناڭ, ۇلىڭ جانىڭدا ەڭسەڭدٸ تٷسٸرمە اللانىڭ بەرەرٸ كٶپ", "جارايسىڭ, اتا-اناسىنىڭ ادالىنان اللانىڭ بەرگەن بالاسى دا اقىلدى تاماشا", "قىراندى كەشٸرە الدىڭ با? نەگە ۇلدارىڭ ٷشٸن قوسىلماسقا?", "دۇرىس, كەك ساقتاماي, كەشٸرٸمدٸ بولا بٸلۋ كەرەك", "مىنا جازبا كٸمگە ارنالعانىن بەرٸ بٸلٸپ تۇرعان بولار", - دەپ جازۋدا حالىق.
