Foto: Aleksandr Pavskii / Kazinform
Aqtóbe oblystyq kópsalaly aýrýhanasynda qazir 8 adam em alyp jatyr. Olar 18-22 jastaǵy jigitter. Báriniń aiaǵynda bytyra jaraqaty bar, dep habarlaidy «Ult aqparat» Kazinform-ǵa silteme jasap.
Aqtóbe oblystyq Politsiia departamenti osy tóbeleske qatysqan 4 kúdiktini ustap, qazir Qylmystyq kodekstiń «Adam óltirý», «Buzaqylyq» baptary boiynsha tergeý júrgizip jatyr.
Al 8 jigit oblystyq kópsalaly aýrýhanasynda. Olardyń báriniń aiaǵyna bytyra tigen.
- Túnde saǵat shamamen 2:00-de belgisiz bireý jas jigitti ákeldi. Klinikalyq ólim jaǵdaiynda jetkizildi. Onyń ómirin saqtap qalý úshin bar jaǵdai jasalǵanymen, kóptegen pyshaq jaraqatynan, oq jaraqatynan kóz jumdy. Sodan keiin jas jigitterdi ákele bastady. Barlyǵy taǵy 8 jigit jetkizildi. Olar 2002-2006 jyldar aralyǵyndaǵy jigitter. Báriniń aiaǵynda bytyra jaraqaty boldy. Olarǵa em-dom kórsetilip jatyr. Báriniń jaǵdaiy turaqty. Jansaqtaý bóliminde jatqan eshkim joq. Olardyń stýdent nemese oqýshy ekeni belgisiz. Kimder ekenin naqty aita almaimyz. Bárine kúzet qoiylǵan. Olardy jeke kólikpen, keibirin politsiia ákeldi,- dedi Aqtóbe oblystyq kópsalaly aýrýhanasy travmatologiia bóliminiń travmatolog dárigeri Jaslan Ýrýmbaev.
Aita keteiik, tóbeles kezinde pyshaq jáne oq jaraqatynan kóz jumǵan jigittiń jasy 18-de bolǵan. Ázirge tóbelestiń sebebi aitylmady.
