QR Prezidentiniń kómekshisi Erlan Qarin 25 shildedegi ákimder sailaýynda qoldanylǵan daýys berý biýlleterine «Bárine qarsymyn» baǵanyn engizýdiń alǵashqy nátijeleri týraly aitty, dep habarlaidy "Ult aqparat".
«Aýyl ákimderiniń ótken tikelei sailaýynda alǵash ret sailaýshylarǵa «Bárine qarsy» daýys berý múmkindigin beretin norma iske qosyldy. Memleket basshysy mundai normany sailaý zańnamasyna engizý qajettigi týraly biyl qańtar aiynda Parlament Májilisiniń jańa shaqyrylymnyń birinshi sessiiasynda málimdegen bolatyn», - dep eske saldy ol Telegram kanalynda.
Memleket basshysy kómekshisiniń aitýynsha, «Bárine qarsymyn» baǵany sailaýshylar pikiriniń barlyq spektrin eskerýge múmkindik bergen.
«Bul baǵan azamattardyń balama ustanymyn zańdy túrde bildirý quqyǵyn keńeitedi. Mysaly, BAQ-ta habarlanǵandai, Qaraǵandy oblysy boiynsha «Bárine qarsymyn» baǵany Aqtoǵai aýdanynyń Shashýbai kentinde eń kóp belgilengen (116). Bul daýys bergenderdiń 7%-y. Al búkil Mańǵystaý oblysynda bul quqyqty tek 279 adam paidalanǵan», - dep jazady Eran Qarin.
Prezident kómekshisi osylaisha, ákimder sailaýy Prezident júrgizip otyrǵan saiasi reformalardyń tiimdiligin kórsetip, olardyń barlyq tarmaqtary praktikada dáiekti túrde iske asyrylyp jatqanyna kóz jetkizgenin aitady.
