قر پرەزيدەنتٸنٸڭ كٶمەكشٸسٸ ەرلان قارين 25 شٸلدەدەگٸ ەكٸمدەر سايلاۋىندا قولدانىلعان داۋىس بەرۋ بيۋللەتەرٸنە «بەرٸنە قارسىمىن» باعانىن ەنگٸزۋدٸڭ العاشقى نەتيجەلەرٸ تۋرالى ايتتى, دەپ حابارلايدى "ۇلت اقپارات".
«اۋىل ەكٸمدەرٸنٸڭ ٶتكەن تٸكەلەي سايلاۋىندا العاش رەت سايلاۋشىلارعا «بەرٸنە قارسى» داۋىس بەرۋ مٷمكٸندٸگٸن بەرەتٸن نورما ٸسكە قوسىلدى. مەملەكەت باسشىسى مۇنداي نورمانى سايلاۋ زاڭناماسىنا ەنگٸزۋ قاجەتتٸگٸ تۋرالى بيىل قاڭتار ايىندا پارلامەنت مەجٸلٸسٸنٸڭ جاڭا شاقىرىلىمنىڭ بٸرٸنشٸ سەسسيياسىندا مەلٸمدەگەن بولاتىن», - دەپ ەسكە سالدى ول Telegram كانالىندا.
مەملەكەت باسشىسى كٶمەكشٸسٸنٸڭ ايتۋىنشا, «بەرٸنە قارسىمىن» باعانى سايلاۋشىلار پٸكٸرٸنٸڭ بارلىق سپەكترٸن ەسكەرۋگە مٷمكٸندٸك بەرگەن.
«بۇل باعان ازاماتتاردىڭ بالاما ۇستانىمىن زاڭدى تٷردە بٸلدٸرۋ قۇقىعىن كەڭەيتەدٸ. مىسالى, باق-تا حابارلانعانداي, قاراعاندى وبلىسى بويىنشا «بەرٸنە قارسىمىن» باعانى اقتوعاي اۋدانىنىڭ شاشۋباي كەنتٸندە ەڭ كٶپ بەلگٸلەنگەن (116). بۇل داۋىس بەرگەندەردٸڭ 7%-ى. ال بٷكٸل ماڭعىستاۋ وبلىسىندا بۇل قۇقىقتى تەك 279 ادام پايدالانعان», - دەپ جازادى ەران قارين.
پرەزيدەنت كٶمەكشٸسٸ وسىلايشا, ەكٸمدەر سايلاۋى پرەزيدەنت جٷرگٸزٸپ وتىرعان ساياسي رەفورمالاردىڭ تيٸمدٸلٸگٸن كٶرسەتٸپ, ولاردىڭ بارلىق تارماقتارى پراكتيكادا دەيەكتٸ تٷردە ٸسكە اسىرىلىپ جاتقانىنا كٶز جەتكٸزگەنٸن ايتادى.
