Almaty baraholkasyndaǵy iri bazarlardyń biri - Ialianda bolǵan órt sóndirildi. Tilsiz jaý qoimanyń 1500 sharshy metrin sharpyǵan, dep "Ult aqparat".
TJM baspasóz qyzmetiniń málimetinshe, órt 12:23-te oqshaýlanyp, 12:43-te joiylǵan.
"1 saǵatta 1,5 myń sharshy metr aýmaqtaǵy órt oqshaýlandy. Janý oshaǵyn anyqtaýǵa teplovizorlar tartyldy, qoimanyń beton konstrýktsiialary qulaýy múmkin. Órtsóndirýshiler qaýipsizdik sharalaryn saqtaidy. Qabyldanǵan jedel sharalar arqasynda irgeles jáne kórshiles konteinerler jáne taýarlar men materialdyq dúnieleri bar qoimalar qorǵaldy", - deidi Almaty TJD ókili.
Tilsiz jaýdy aýyzdyqtaýǵa Tótenshe jaǵdailar departamentinen 86 adam men 25 tehnika jumyldyrylǵan. Budan bólek, Almaty qalasynyń qutqarý qyzmeti, SOBR, "Almaty Sý" JShS, "Almaty tazalyq", Jedel járdem qyzmeti, Meditsinalyq apattar ortalyǵynyń qyzmetkerleri kómektesken.
Eske salaiyq, buǵan deiin Almatydaǵy baraholkada órt shyqqany habarlanǵan bolatyn.
