Burynǵy depýtat Baqytjan Bazarbek aýyr jol apatynan keiin aýrýhanada jatqan Nurjigit Qoshanovtyń esin jiyp, aiaqqa turǵan sátinen foto jariialady, dep habarlaidy ult.kz.
Ol áleýmettik jelidegi jazbasynda Nurjigittiń ómirin saqtap qalǵan Taraz qalalyq kópbeiindi aýrýhanasynyń dárigerlerine alǵys bildirdi.
"Bul – elimizdiń myńdaǵan adamy asyǵa kútken sýret. Sýrette óz bilimi, kásibiligi men jankeshti eńbeginiń arqasynda Nurjigitti ajaldan aman alyp qalyp, esin jiǵyzyp, qaitadan aiaqqa turǵyzǵan dárigerler", – dep jazdy Baqytjan Bazarbek.
Onyń aitýynsha, naýqasty emdeýge aýrýhananyń reanimatologtary, hirýrgtary jáne meditsina qyzmetkerleri atsalysqan. Qazirgi tańda Nurjigittiń jaǵdaiy turaqtalǵan. Alda aiaq jaraqatyna bailanysty uzaq ońaltý kezeńi kútip tur.
Baqytjan Bazarbek dárigerlerdiń kún saiyn aýyr jaǵdaidaǵy naýqastardyń ómiri úshin kúresip júrgenin atap ótip, aq halatty mamandardyń eńbegine joǵary baǵa berdi.
"Bular – zamanymyzdyń naǵyz qaharmandary desem, artyq aitqanym emes. Óz ómirin ózge adamnyń ómirin saqtap qalýǵa arnaǵan aq halatty abzal jandardy qadirlei bileiik", – dep jazdy ol.
