.jpeg)
Elimizde 2022 jyldyń 20 qarashasy kúni ótetin kezekten tys prezidenttik sailaýynda elishilk turaqtylyq pen sailaý protsedýralarynyń qatań saqtalýyn qamtamasyz etý maqsatynda elimizdiń barlyq aýmaǵyn qamtityn óńirlik shtabtary bar táýelsiz baqylaýshylardyń «BAQYLA» Qoǵamdyq qozǵalysy qurylady.
Aýmaqtyq baqylaýshylar jelisi jumysy Almaty qalasyndaǵy Ortalyq shtab pen elimizdiń 26 qalasynda ornalasqan óńirlik shtabtar arqyly júrgiziledi.
Qozǵalystyń baqylaýshylary elimizdiń 26 iri qalasynda barlyǵy 3,2 myńnan astam sailaý ýchaskelerinde baqylaýshylyq jasamaq.
Dos Kóshim, saiasatker: Sailaý protsesine belsendi qatysatyn toptyń biri – baqylaýshylar. Olardyń saýatty jumys isteýi, baqylaýdyń barlyq tásilderin tereń meńgere bilýi – Qazaq elindegi Sailaý júiesiniń jaqsarýynyń bir kepili. Meniń mindetim – árbir oblys. qalalardaǵy baqylaýshylardy daiyndaityn trenerlerdi daiyndaýǵa arnalǵan arnaiy oflain, múmkindik bolsa, onlain seminar-treningter júrgizý, sailaýdy baqylaý barysynda týyndaǵan suraqtarǵa jaýap berý bolyp tabylady.
Baqytjan Buqarbai, saiasattanýshy, jazýshy: 2019 jyly baqylaýshylar institýty elde jańa qarqyn alyp, bilik sanasatyn qoǵamdyq kúshke ainalǵany belgili. Biz azamattyq qoǵamdy kúsheitýimiz kerek, al baqylaýshylar bolsa sol qoǵamnyń myzǵymas oiynshylarynyń biri.
Túrli sebepterge bailanysty qazir eldegi azamattyq qoǵamnyń kúiin kóńil kónshitetindei dep aitýǵa kelmeidi. Sol úshin bizdiń uran «Kún saiyn azamat bol!» bolýy kerek. Men úsh jyl buryn belsendi baqylaýshylardyń qatarynda boldym, osy joly el boiynsha baqylaýshylardy qalyptastyrýǵa dárister ótkizý arqyly atsalysaiyn dep jatyrmyn. Baqylaýshylardyń negizgi bóligi jastar bolmaq dep oilaimyn, atap aitqanda, olarǵa «Azamattyq qoǵam ne úshin kerek?» jáne «Qalai tiimdi post jazý kerek?» taqyryptarynda dárister ótkizýdi josparlap otyrmyn. Budan bólek protseske jańa baqylaýshylardy tartý da josparda bar.
Árine, eldegi búkil sailaý ýchaskelerin tolyq qamtý úshin 20 myńnyń ústinde bilikti baqylaýshy kerek, az bolyp kóringenmen, el bolyp osy kórsetkishke áli jete almai kelemiz. Biraq kósh júre túzeledi. 2019 jyly azamattyq belsendiler kótergen týdy túsirmei, baǵyttan taimai, baqylaýshylar institýtyn nyǵaitýdy jalǵastyra berý kerek. Sailaýdan sailaýǵa baqylaýǵa alynatyn ýchaskelerin sany artsa, erteli-kesh halyqtyń daýysy túgel eskeriletin kúnge de jetemiz.
Ashat Qasenǵali, saiasattanýshy: Elimizde ádil ári shynaiy sailaý ótkenin barlyǵymyz da qalaimyz. Alaida sailaýdyń shynaiy ótýine bilikty qulyqty emes. Jasyratyny joq. Sailaýdyń taza ótýine qarapaiym adamdar múddeli. Kóptegen Qazaqstan azamatynda bergen daýysym, salǵan biýlletenim ózge kandidattyń qanjyǵasyna bailanyp ketýi nemese qoqys jáshiginde jatýy múmkin degen kúdik bar. Bul uzaq jyldar boiy qalyptasqan jáne áli de jalǵasyn taýyp kele jatqan sailaýdaǵy quityrqy áreketterdiń nátijesi. Biz bul olqylyqty tolyq sheshpesek te, sailaýda baqylaýshylardy qatystyryp, oqytyp kórgimiz keledi. Árine, tutas Qazaqstandy qamtý múmkin emes. Ony biliktik partiialar ǵana jasai alatyn shyǵar. Biraq barynsha kóp ýchaskeni qamtýǵa tyrysamyz. Iri qalalardy, oblys ortalyqtaryn qamtýǵa tyrysamyz. El boiynsha 6 myńǵa jýyq baqylaýshy oqytýǵa árekettenip, josparlap otyrmyz.
