Foto: informburo.kz
Qazaqstanda "Diplommen – aýylǵa" baǵdarlamasy aiasyndaǵy jyldyq 1 paiyzben beriletin ipotekalyq nesiege ótinim qabyldaý bastaldy, dep habarlaidy Ult.kz. Bul týraly aqparatty «Otbasy bank» óziniń Instagram paraqshasynda jariialady.
Bul baǵdarlama arqyly óz mamandyǵyńyzben aýylda eńbek etip, baspanaǵa qol jetkizip, týǵan óńirińizdiń damýyna úles qosa alasyz.
Baǵdarlama ne beredi:
• kóterme járdemaqy – bir rettik tólem: 100 AEK;
• turǵyn úidi satyp alý nemese salý úshin jyldyq 1% mólsherlememen jeńildetilgen nesie (JTSM – 1%);
• maksimaldy nesie somasy – 2 500 AEK-ke deiin (eldi meken túrine bailanysty);
• nesie merzimi – 15 jylǵa deiin.
Kimder qatysa alady:
Bilim berý, densaýlyq saqtaý, áleýmettik qamtamasyz etý, agroónerkásip kesheni (AÓK), mádeniet, sport salalarynyń, sondai-aq aýyldyq okrýg ákimderi apparattaryndaǵy memlekettik qyzmetkerler (ákimder men olardyń orynbasarlarynan basqa) qatysa alady.
Qatysý sharttary:
• tehnikalyq jáne kásiptik, ortadan keiingi, joǵary nemese joǵary oqý ornynan keiingi bilim týraly diplomnyń bolýy;• nesie alǵan mamandar keminde 3 jyl boiy óz mamandyǵy boiynsha aýyldyq jerde jumys isteýge mindetti;
• buryn alynǵan nesieler boiynsha merzimi ótken bereshektiń bolmaýy.
Qalai ótinim berýge bolady:
1. Aýyldyq jerde bos jumys ornyn tabyńyz nemese jergilikti ákimdikke habarlasyńyz.2.Baspana Market platformasynda tirkelińiz.
3.Ótinimdi onlain toltyryp, qujattardy ETsQ arqyly qol qoiyńyz.
