Foto: Polisia.kz
Ishki ister ministrligi azamattardy qarjylyq alaiaqtyqtan qorǵaý jáne derbes derekter qaýipsizdigin kúsheitý maqsatynda Qylmystyq kodekske engizilgen mańyzdy ózgeris týraly eskertti, dep habarlaidy Ult.kz.
QR Qylmystyq kodeksine jańa – 232-1-bap engizildi. Endi óziniń banktik derektemelerin úshinshi tulǵalarǵa bergeni úshin, sondai-aq materialdyq syiaqy nemese paida tabý maqsatynda basqa bireýdiń atynan tólemder nemese aqsha aýdarymdaryn jasaǵany úshin qylmystyq jaýapkershilik qarastyrylǵan.
IIM málimetinshe, alaiaqtar mundai derekterdi zańsyz jolmen tabylǵan qarajatty qolma-qol aqshaǵa ainaldyrý úshin nemese ózge adamdardy aldaý maqsatynda paidalanady. Kóp jaǵdaida azamattar ózderiniń qylmystyq shemaǵa qatysyp qalǵanyn kesh túsinedi.
Ministrlik azamattarǵa eskertedi:
-
Óz banktik derekterińizdi (karta, IBAN, shot) bóten adamdarǵa bermeńiz;
-
«Ońai aqsha tabý» ýádesine aldanyp, kartańyzdy úshinshi tulǵalarǵa paidalanýǵa bermeńiz;
-
Kúmán týdyratyn jaǵdai bolsa, dereý bankke nemese quqyq qorǵaý organdaryna habarlasyńyz.
Esińizde bolsyn: jeke jáne banktik derekter — tek aqparat emes, olar sizdiń múlkińiz, qaýipsizdigińiz jáne zań aldyndaǵy jaýapkershiligińizben tikelei bailanysty.
