فوتو: Polisia.kz
ٸشكٸ ٸستەر مينيسترلٸگٸ ازاماتتاردى قارجىلىق الاياقتىقتان قورعاۋ جەنە دەربەس دەرەكتەر قاۋٸپسٸزدٸگٸن كٷشەيتۋ ماقساتىندا قىلمىستىق كودەكسكە ەنگٸزٸلگەن ماڭىزدى ٶزگەرٸس تۋرالى ەسكەرتتٸ, دەپ حابارلايدى Ult.kz.
قر قىلمىستىق كودەكسٸنە جاڭا – 232-1-باپ ەنگٸزٸلدٸ. ەندٸ ٶزٸنٸڭ بانكتٸك دەرەكتەمەلەرٸن ٷشٸنشٸ تۇلعالارعا بەرگەنٸ ٷشٸن, سونداي-اق ماتەريالدىق سىياقى نەمەسە پايدا تابۋ ماقساتىندا باسقا بٸرەۋدٸڭ اتىنان تٶلەمدەر نەمەسە اقشا اۋدارىمدارىن جاساعانى ٷشٸن قىلمىستىق جاۋاپكەرشٸلٸك قاراستىرىلعان.
ٸٸم مەلٸمەتٸنشە, الاياقتار مۇنداي دەرەكتەردٸ زاڭسىز جولمەن تابىلعان قاراجاتتى قولما-قول اقشاعا اينالدىرۋ ٷشٸن نەمەسە ٶزگە ادامداردى الداۋ ماقساتىندا پايدالانادى. كٶپ جاعدايدا ازاماتتار ٶزدەرٸنٸڭ قىلمىستىق سحەماعا قاتىسىپ قالعانىن كەش تٷسٸنەدٸ.
مينيسترلٸك ازاماتتارعا ەسكەرتەدٸ:
-
ٶز بانكتٸك دەرەكتەرٸڭٸزدٸ (كارتا, IBAN, شوت) بٶتەن ادامدارعا بەرمەڭٸز;
-
«وڭاي اقشا تابۋ» ۋەدەسٸنە الدانىپ, كارتاڭىزدى ٷشٸنشٸ تۇلعالارعا پايدالانۋعا بەرمەڭٸز;
-
كٷمەن تۋدىراتىن جاعداي بولسا, دەرەۋ بانككە نەمەسە قۇقىق قورعاۋ ورگاندارىنا حابارلاسىڭىز.
ەسٸڭٸزدە بولسىن: جەكە جەنە بانكتٸك دەرەكتەر — تەك اقپارات ەمەس, ولار سٸزدٸڭ مٷلكٸڭٸز, قاۋٸپسٸزدٸگٸڭٸز جەنە زاڭ الدىنداعى جاۋاپكەرشٸلٸگٸڭٸزبەن تٸكەلەي بايلانىستى.
