Ulttyq bank tóraǵasy Erbolat Dosaev Qazaqstandaǵy nesie jáne depozit naryqtarynyń ahýaly qalai bolyp jatqanyn aityp berdi, dep habarlaidy QazAqparat.
«Bankter nesielik belsendiligin ulǵaityp keledi. Sáýir-maýsym ailarynyń aralyǵynda júrgizilgen bankterdi qalypqa keltirýden keiin nesielik portfel 3,5%-ǵa nemese 433,6 mlrd teńgege jetti. Iaǵni 12,9 trln teńgege deiin ulǵaidy. Uzaq merzimdi nesieler – 11,0 trln teńge, qysqa merzimdi nesieler – 1,9 trln teńgege teń boldy. Biznes úshin nesielerge qoljetimdilik artýda: maýsymda teńgemen nesieler boiynsha stavka ótken jylǵy maýsymdaǵy 12,5%- ben salystyrǵanda 11,7%-ǵa deiin tómendedi», - dep atap ótti Ulttyq bank tóraǵasy Úkimet otyrysynda.
Ulttyq Bank basshysynyń aitýynsha, nesieleýdiń ósýine qorlandyrý bazasynyń sapaly túrde jaqsarýy yqpal etip otyr.
«Bul rette eýroobligatsiialardy (QazAgro) óteý, sondai-aq jekelegen iri salymshylardyń valiýtalyq depozitterdi sheteldik qarjy uiymdaryna aýdarýy nátijesinde shetel valiýtasyndaǵy depozitter 19,8%-ǵa qysqardy. Sonyń saldarynan depozitterdi dollarlandyrý maýsymnyń sońynda 41,6%-ǵa deiin tómendedi», - dedi ol.
