ۇلتتىق بانك تٶراعاسى ەربولات دوساەۆ قازاقستانداعى نەسيە جەنە دەپوزيت نارىقتارىنىڭ احۋالى قالاي بولىپ جاتقانىن ايتىپ بەردٸ, دەپ حابارلايدى قازاقپارات.
«بانكتەر نەسيەلٸك بەلسەندٸلٸگٸن ۇلعايتىپ كەلەدٸ. سەۋٸر-ماۋسىم ايلارىنىڭ ارالىعىندا جٷرگٸزٸلگەن بانكتەردٸ قالىپقا كەلتٸرۋدەن كەيٸن نەسيەلٸك پورتفەل 3,5%-عا نەمەسە 433,6 ملرد تەڭگەگە جەتتٸ. ياعني 12,9 ترلن تەڭگەگە دەيٸن ۇلعايدى. ۇزاق مەرزٸمدٸ نەسيەلەر – 11,0 ترلن تەڭگە, قىسقا مەرزٸمدٸ نەسيەلەر – 1,9 ترلن تەڭگەگە تەڭ بولدى. بيزنەس ٷشٸن نەسيەلەرگە قولجەتٸمدٸلٸك ارتۋدا: ماۋسىمدا تەڭگەمەن نەسيەلەر بويىنشا ستاۆكا ٶتكەن جىلعى ماۋسىمداعى 12,5%- بەن سالىستىرعاندا 11,7%-عا دەيٸن تٶمەندەدٸ», - دەپ اتاپ ٶتتٸ ۇلتتىق بانك تٶراعاسى ٷكٸمەت وتىرىسىندا.
ۇلتتىق بانك باسشىسىنىڭ ايتۋىنشا, نەسيەلەۋدٸڭ ٶسۋٸنە قورلاندىرۋ بازاسىنىڭ ساپالى تٷردە جاقسارۋى ىقپال ەتٸپ وتىر.
«بۇل رەتتە ەۋرووبليگاتسييالاردى (قازاگرو) ٶتەۋ, سونداي-اق جەكەلەگەن ٸرٸ سالىمشىلاردىڭ ۆاليۋتالىق دەپوزيتتەردٸ شەتەلدٸك قارجى ۇيىمدارىنا اۋدارۋى نەتيجەسٸندە شەتەل ۆاليۋتاسىنداعى دەپوزيتتەر 19,8%-عا قىسقاردى. سونىڭ سالدارىنان دەپوزيتتەردٸ دوللارلاندىرۋ ماۋسىمنىڭ سوڭىندا 41,6%-عا دەيٸن تٶمەندەدٸ», - دەدٸ ول.
