Qazaqstanda bankter ipotekany qaita qarjylandyrýdan 760 ret negizsiz bas tartqan, dep habarlaidy "Ult aqparat".
QR Qarjy naryǵyn retteý men damytý agenttigi ipotekalyq boryshkerlerdiń shaǵymyn qaraityn arnaiy komissiianyń jumysyn qorytyndylady.
2015 jyldyń basynan bastap arnaiy komissiianyń talqylaýyna 5168 shaǵym túsken.
Onyń ishinde 2650 adamnyń ótinishiniń qanaǵattandyrylmaǵanyna tolyq negiz bar. Al bankter 760 ótinishti qanaǵattandyrýdan negizsiz bas tartqan.
1688 adamnyń ótinishin arnaiy ipotekalyq baǵdarlama talaptarynyń ózgerýine bailanysty qaita qarjylandyrýǵa bolady.
Qalǵan 70 ótinish komissiia qaraýynda jatyr.
Qazaqstanda ipotekalyq qaryzdardy qaita qarjylandyrý baǵdarlamasy 2015 jyldan bastap jumys istep keledi.
«Qazir komissiia qaraýynda 70 ótinish jatyr. Ár ótinish boiynsha meditsinalyq uiymdar, áleýmettik uiymdardyń qorytyndysy keltirilgen. Bul shaǵymdar ár azamattyń jeke jaǵdaiyna qatysty qaralatyn bolady. Biyldan bastap áleýmettik jaǵynan az qamtylǵan boryshkerlerge qatysty ipotekalyq baǵdarlamaǵa ózgerister engizildi», - dedi QR Qarjylyq naryqty retteý jáne damytý Agenttiginiń Almaty óńirlik basqarmasynyń basshysy Sálima Djýrýnova.
Onyń aitýynsha, bankterdiń barlyǵy birdei adamdardy áleýmettik az qamtylǵan topqa jatqyza bermeidi. Ony dáleldeý úshin tutynýshy zań boiynsha sotqa júginýi tiis.
«Kommertsiialyq bankter kóbinese bizdiń usynystardy oryndai bermeidi. Mundai jaǵdaida biz ótinish berýshiniń múddesin qorǵaýǵa tyrysamyz. Komissiia sheshimine qaramastan bank nelikten bas tartatynyn anyqtaimyz. Ótinish berýshi sotqa aryzdanǵan jaǵdaida Agenttik oǵan barynsha kómek kórsetedi», - dedi sottan.
Qazaqstanda ipotekalyq qaryzdardy qaita qarjylandyrýdy 18 bank pen 3 ipotekalyq uiym júzege asyrady.
