Búgin Parlament Senatynyń jalpy otyrpysynda «Qazaqstan Respýblikasynyń keibir zańnamalyq aktilerine ońaltý jáne bankrottyq rásimderin, biýdjettik, salyq zańnamasyn jáne temirjol kóligi týraly zańnamany jetildirý máseleleri boiynsha ózgerister men tolyqtyrýlar engizý týraly» zań jobasy birinshi oqylymda qaralyp jatyr, – dep habarlaidy «Ult aqparat».
«Búgingi tańda bankrottyq rásiminen 4 myńǵa jýyq biznes sýbektisi ótip jatyr, 400 kásiporyn ońaltý satysynda. Is júzinde, kúrdeli qarjylyq jaǵdaidaǵy biznes sýbektileri aitarlyqtai kóp. Qoldanystaǵy zań kásipkerge sátsiz biznesti tez jabýǵa múmkindik bermeidi. Árbir tórtinshi jaǵdaida sot bankrot dep tanýdan bas tartady. Sotqa sýbektiniń qarjylyq jaǵdaiyna obektivti baǵa berý qiyn. Sot bolar-bolmas aktivtiń bolýyn qaryzdar boiynsha esep aiyrysý múmkindigi retinde baǵalaidy» dedi Úkimet basshysynyń birinshi orynbasary.
Osy oraida ol mundai jaǵdai ońaltý aiasynda da baiqalyp otyrǵandyǵyn jetkizdi.
«Boryshkerdiń tólem qabileti bar nemese tólem qabilettiligin qalpyna keltirý úshin resýrstardyń bar ekenin dáleldei almady degen sebeppen sot kóp jaǵdaida ońaltý rásimin qoldanýdan bas tartady. Osyǵan bailanysty, zań jobasy ońaltý jáne bankrottyq rásimderin qoldaný úshin jaǵdailardy jeńildetýge, sondai-aq rásimderdi júrgizý merzimderin qysqartýǵa jáne áreketsiz boryshkerlerdi jabýdy jeńildetýge baǵyttalǵan» dedi Á. Smaiylov.
Eske sala keteiik, biyl mamyr aiynda QR Prezidenti Qasym-Jomart Toqaev Qazaqstanda kásiporyndar men kompaniialardy saýyqtyrý men bankrottyǵy talaptaryn túbegeili jeńildetý jáne rásimder merzimin qysqartý kerektigin tapsyrǵan bolatyn.
