بٷگٸن پارلامەنت سەناتىنىڭ جالپى وتىرپىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە وڭالتۋ جەنە بانكروتتىق رەسٸمدەرٸن, بيۋدجەتتٸك, سالىق زاڭناماسىن جەنە تەمٸرجول كٶلٸگٸ تۋرالى زاڭنامانى جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا قارالىپ جاتىر, – دەپ حابارلايدى «ۇلت اقپارات».
«بٷگٸنگٸ تاڭدا بانكروتتىق رەسٸمٸنەن 4 مىڭعا جۋىق بيزنەس سۋبەكتٸسٸ ٶتٸپ جاتىر, 400 كەسٸپورىن وڭالتۋ ساتىسىندا. ٸس جٷزٸندە, كٷردەلٸ قارجىلىق جاعدايداعى بيزنەس سۋبەكتٸلەرٸ ايتارلىقتاي كٶپ. قولدانىستاعى زاڭ كەسٸپكەرگە سەتسٸز بيزنەستٸ تەز جابۋعا مٷمكٸندٸك بەرمەيدٸ. ەربٸر تٶرتٸنشٸ جاعدايدا سوت بانكروت دەپ تانۋدان باس تارتادى. سوتقا سۋبەكتٸنٸڭ قارجىلىق جاعدايىنا وبەكتيۆتٸ باعا بەرۋ قيىن. سوت بولار-بولماس اكتيۆتٸڭ بولۋىن قارىزدار بويىنشا ەسەپ ايىرىسۋ مٷمكٸندٸگٸ رەتٸندە باعالايدى» دەدٸ ٷكٸمەت باسشىسىنىڭ بٸرٸنشٸ ورىنباسارى.
وسى ورايدا ول مۇنداي جاعداي وڭالتۋ اياسىندا دا بايقالىپ وتىرعاندىعىن جەتكٸزدٸ.
«بورىشكەردٸڭ تٶلەم قابٸلەتٸ بار نەمەسە تٶلەم قابٸلەتتٸلٸگٸن قالپىنا كەلتٸرۋ ٷشٸن رەسۋرستاردىڭ بار ەكەنٸن دەلەلدەي المادى دەگەن سەبەپپەن سوت كٶپ جاعدايدا وڭالتۋ رەسٸمٸن قولدانۋدان باس تارتادى. وسىعان بايلانىستى, زاڭ جوباسى وڭالتۋ جەنە بانكروتتىق رەسٸمدەرٸن قولدانۋ ٷشٸن جاعدايلاردى جەڭٸلدەتۋگە, سونداي-اق رەسٸمدەردٸ جٷرگٸزۋ مەرزٸمدەرٸن قىسقارتۋعا جەنە ەرەكەتسٸز بورىشكەرلەردٸ جابۋدى جەڭٸلدەتۋگە باعىتتالعان» دەدٸ ە. سمايىلوۆ.
ەسكە سالا كەتەيٸك, بيىل مامىر ايىندا قر پرەزيدەنتٸ قاسىم-جومارت توقاەۆ قازاقستاندا كەسٸپورىندار مەن كومپانييالاردى ساۋىقتىرۋ مەن بانكروتتىعى تالاپتارىن تٷبەگەيلٸ جەڭٸلدەتۋ جەنە رەسٸمدەر مەرزٸمٸن قىسقارتۋ كەرەكتٸگٸن تاپسىرعان بولاتىن.
