Qazirgi ýaqytta bank salymshylary úshin esh qaýip-qater joq jáne bank klientteriniń barlyq qarajaty tolyq saqtaýly tur. Bul týraly QR Qarjy naryǵyn retteý jáne damytý agenttigi Qarjylyq qyzmetterdi tutynýshylardyń quqyqtaryn qorǵaý departamentiniń direktory Aleksandr Terentev aityp berdi, dep habarlaidy QazAqparat.
«Prezidenttiń kapitaldy elden zańsyz shyǵarýdy qadaǵalaý jáne jolyn kesý tapsyrmasyn oryndaý aiasynda Ulttyq banktiń, Qarjy naryǵyn retteý agenttiginiń jáne Qarjy monitoringi agenttiginiń halyqaralyq tólemder men aqsha aýdarymdaryn baqylaýdy kúsheitý jónindegi birlesken buiryǵy qabyldandy. Osy mehanizm sheńberinde biz árbir operatsiiadaǵy kúdik belgileri bar-joǵyn tekseremiz. Qazirgi ýaqytta bank salymshylary úshin esh qaýip-qater joqtyǵyn jáne bank klientteriniń barlyq qarajaty tolyq saqtaýly turǵanyn basa aitqym keledi», - dedi Aleksandr Terentev Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, «Bank qupiiasy týraly» zańǵa sáikes, jumys tolyq kólemde júrgizilgennen keiin ǵana egjei-tegjeili aqparat beriledi.
