قازٸرگٸ ۋاقىتتا بانك سالىمشىلارى ٷشٸن ەش قاۋٸپ-قاتەر جوق جەنە بانك كليەنتتەرٸنٸڭ بارلىق قاراجاتى تولىق ساقتاۋلى تۇر. بۇل تۋرالى قر قارجى نارىعىن رەتتەۋ جەنە دامىتۋ اگەنتتٸگٸ قارجىلىق قىزمەتتەردٸ تۇتىنۋشىلاردىڭ قۇقىقتارىن قورعاۋ دەپارتامەنتٸنٸڭ ديرەكتورى الەكساندر تەرەنتەۆ ايتىپ بەردٸ, دەپ حابارلايدى قازاقپارات.
«پرەزيدەنتتٸڭ كاپيتالدى ەلدەن زاڭسىز شىعارۋدى قاداعالاۋ جەنە جولىن كەسۋ تاپسىرماسىن ورىنداۋ اياسىندا ۇلتتىق بانكتٸڭ, قارجى نارىعىن رەتتەۋ اگەنتتٸگٸنٸڭ جەنە قارجى مونيتورينگٸ اگەنتتٸگٸنٸڭ حالىقارالىق تٶلەمدەر مەن اقشا اۋدارىمدارىن باقىلاۋدى كٷشەيتۋ جٶنٸندەگٸ بٸرلەسكەن بۇيرىعى قابىلداندى. وسى مەحانيزم شەڭبەرٸندە بٸز ەربٸر وپەراتسيياداعى كٷدٸك بەلگٸلەرٸ بار-جوعىن تەكسەرەمٸز. قازٸرگٸ ۋاقىتتا بانك سالىمشىلارى ٷشٸن ەش قاۋٸپ-قاتەر جوقتىعىن جەنە بانك كليەنتتەرٸنٸڭ بارلىق قاراجاتى تولىق ساقتاۋلى تۇرعانىن باسا ايتقىم كەلەدٸ», - دەدٸ الەكساندر تەرەنتەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەردٸڭ ايتۋىنشا, «بانك قۇپيياسى تۋرالى» زاڭعا سەيكەس, جۇمىس تولىق كٶلەمدە جٷرگٸزٸلگەننەن كەيٸن عانا ەگجەي-تەگجەيلٸ اقپارات بەرٸلەدٸ.
