Qazaqstan Respýblikasynyń Qarjy naryǵyn retteý jáne damytý agenttiginiń tóraǵasy Mádina Ábilqasymova Qazaqstannyń qarjy júiesiniń turaqtylyǵyn qamtamasyz etý baǵytynda qandai sharalar qolǵa alynyp jatqanyn aityp berdi, dep habarlaidy QazAqparat.
«Qazirgi ýaqytta Qazaqstannyń qarjy júiesindegi jaǵdai turaqty. Shoǵyrlandyrylǵan negizde ekinshi deńgeili bankterdiń úzdiksiz qyzmetin qamtamasyz etý jáne banktik qyzmetterdiń tolyq tizbesin kórsetý úshin menshikti kapitaly men ótimdiliginiń edáýir qory bar. Bankterdiń salymshylary úshin táýekelder joq. Aktivter sapasyn táýelsiz baǵalaý nátijeleri boiynsha retteýshilik minimýmǵa qatysty K1 kapitalynyń jetkiliktiliginiń asyp ketýi túzetýlerdi eskergende 70 paiyzdy quraidy», - dedi agenttik tóraǵasy Úkimet otyrysynda.
Onyń aitýynsha agenttik bankterdiń taýar jáne qarjy naryqtarynda áleýmettik kúizelisterge ornyqtylyǵyn anyqtaý úshin júieli deńgeide jumys júrgizýde.
«Osy jyldyń 30 naýryzyna deiin aktivterdiń sapasyn táýelsiz baǵalaý nátijeleri boiynsha bankterdi túzetý is-qimyl josparlary qabyldanady. Bul rette ózgergen ekonomikalyq jaǵdailardy eskere otyryp, 2020 jyldyń 1 qazanyna deiin proviziialardy esepteý tásilderin kúsheitetin birqatar retteý sharasyn engizý keiinge qaldyrylady», - dedi ol.
