Bank RBK direktorlar keńesiniń jańa tóraǵasy taǵaiyndaldy, - dep habarlaidy Tengrinews.kz tilshisi banktiń baspasóz qyzmetine silteme jasap.
7 qarashada Almatyda aktsionerler RBK bankiniń Ulttyq banki ázirlep jatqan bank sektorynyń qarjylyq turaqtylyǵyn joǵarylatý baǵdarlamasyna qatysýǵa daýys berdi.
Sonymen qatar, osy otyrys barysynda aktsionerler direktorlar múshesi retinde Torsten Poldy táýelsiz direktor retinde taǵaiyndady. Sosyn Torsten Pol "Bank RBK" AQ direktorlar keńesiniń tóraǵasy bolyp sailandy.
Eske salaiyq, osyǵan deiin qarjy ministri Baqyt Sultanov Bank RBK jaǵdaiy jaily málimdeme jasaǵan edi.
"Ulttyq bankpen jumys júrgizilip jatyr. Úkimettegiler bizdiń barlyq memlekettik syńaily sektorlarmen birige otyryp, problemalyq máselelerdi sheship jatyr. Qazirgi ýaqytta qandai da bir nátije jaily aitýǵa áli erte", - dedi ministr QR Májilisinde ótken úkimet saǵatynan keiin.
Sondai-aq, Nursultan Nazarbaev ta Bank RBK jaǵdaiyna qatysty pikir bildirgen bolatyn. "Men bul máseleni bilemin.
Jaqsy bilemin. Onda ne bolǵanyn da bilemin. Bul jerde aktsionerlerdiń qarajat jymqyrýy...", - degen edi Memleket basshysy.
