Bank operatorlaryna klientterdiń derekteri berilmeidi, dep habarlaidy "Ult aqparat" 24.kz saityna silteme jasap.
Qazaqstanda kelisim bazasy jasaldy. Endi sonyń arqasynda Halyqqa qyzmet kórsetý ortalyqtary men bankterdiń operatorlaryna klienttiń jeke derekteri sms-kod arqyly rastaý jiberilgennen keiin ǵana qoljetimdi bolady.
Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitty.
«Burynyraqta adam bankke kelgen kezde oǵan ómir boiy derbes derekterin óńdeýge kelisim berý týraly kishkentai áriptermen jazylǵan qaǵazdy tyqpalaityn. Eshkim ony nazar aýdaryp oqyǵan da joq, qol qoiyp bere salatyn. Qujat muraǵatqa ketetin. Endigi ýaqytta mundai kelisimderdiń bárin tsifrlyq túrde rásimdeletindei jáne bazamyzǵa túsetindei qylyp jasadyq», - dedi ministr.
Onyń aitýynsha, búginde mundai ádis mamandandyrylǵan Halyqqa qyzmet kórsetý ortalyqtarynda qoldanylyp júr. Operator klientke qyzmet kórsetpesten buryn onyń telefon nómirin suraidy jáne sol nómirge sms-kod keledi. Kod engizilgennen keiin ǵana operator derbes derektermen jumysyn bastai alady.
