Foto: Kerem Uzel / Bloomberg
QMA Shymkenttegi departamenti qalanyń eki turǵynyna qatysty 4000 eýro somasynda jalǵan aqsha (nominaly 500 eýro banknotalar) satý faktisi boiynsha isti aiaqtady, dep habarlaidy "Ult aqparat" Qarjylyq monitoring agenttigine silteme jasap.
Buǵan deiin, 2021 jyly qala bankteriniń biriniń qyzmetkerleri aldyn ala sóz bailasý arqyly bank klientterine jalpy somasy 4 000 eýro jalǵan aqsha kýpiýralaryn satqan.
Atalǵan fakt boiynsha tergeý júrgizildi, onyń nátijeleri boiynsha banktiń 5 qyzmetkeri kináli dep tanylyp, 5 jylǵa bas bostandyǵynan aiyrylǵan bolatyn.
"Al bank qyzmetkerlerine jalǵan kýpiýralar bergen azamat halyqaralyq izdeýge jariialanǵan. Ol aǵymdaǵy jyldyń naýryz aiynda Shvetsiiada ustalyp, Qazaqstanǵa ekstraditsiialandy.
Maýsym aiynda kúdikti men onyń jubaiyna qatysty is sotqa jiberildi.
Sot úkimimen atalǵan adamdar kináli dep tanylyp, olarǵa 5 jyl merzimge bas bostandyǵynan aiyrý jazasy taǵaiyndaldy" - delingen habarlamada.
Qarjylyq monitoring agenttigi azamattardy saqtyq tanytýǵa jáne qolma-qol aqshany muqiiat qaita sanap alýǵa shaqyrady.
Eger siz jalǵan aqsha tapsańyz, eń bastysy - ony satýǵa tyryspańyz.
QR QK 231-babyna sáikes, óz qarajatyn qaitaryp alýǵa degen umtylys qylmystyq jaýapkershilikke alyp kelýi múmkin.
