Polshalyq ýltramarafonshy Bartlomei Kýbkovskii tarihta alǵash ret Baltyq teńizin Shvetsiiadan Polshaǵa deiin júzip ótti. Ol 160 shaqyrymnan astam qashyqtyqty esh toqtaýsyz 55 saǵatta eńserip, adam tózgisiz synaqqa tótep berdi, dep habarlaidy ult.kz.
Sportshy marafon barysynda bir sát te uiyqtamaǵan. Sonymen qatar halyqaralyq ashyq sýda júzý erejelerin qatań saqtap, qaýipsizdik maqsatynda qatar júrgen qaiyqqa birde-bir ret súienbegen. Bul talap oryndalmaǵan jaǵdaida nátije resmi túrde esepke alynbaidy.
Jarystyń eń aýyr sáti márege nebári 1,5 shaqyrym qalǵanda boldy. Uzaq ýaqyt boiy sýda bolǵandyqtan Kýbkovskiidiń boiyndaǵy kúsh-qýaty sarqylyp, júzýi aitarlyqtai baiaýlaǵan. Soǵan qaramastan, komandasynyń úzdiksiz qoldaýy men jankúierlerdiń jigerlendirýiniń arqasynda ol sońyna deiin kúresip, jaǵalaýǵa aman-esen jetti.
Bul júzý tek sporttyq rekord ornatý úshin ǵana emes, qaiyrymdylyq maqsatynda uiymdastyryldy. Aktsiia barysynda onkologiialyq dertpen kúresip jatqan balalarǵa kómek kórsetetin qorǵa 560 myń zlotyidan astam (shamamen 160 million teńge) qarjy jinaldy.
Osylaisha, Bartlomei Kýbkovskii Baltyq teńizin Shvetsiiadan Polshaǵa deiin júzip ótken alǵashqy adam retinde tarihqa enip qana qoimai, myńdaǵan adamnyń ómirine úmit syilaityn igi iske de úles qosty.
