Balqash kóliniń jaǵalaýynda demalýshylardyń ómirine qaýip tóndirgen júrgizýshi 10 táýlikke ákimshilik qamaqqa alyndy, dep habarlaidy ult.kz.
Polisia.kz málimetinshe, politsiia qyzmetkerleri Almaty oblysynyń Jambyl aýdanynda ornalasqan Balqash kóliniń jaǵalaýynda Mercedes-Benz avtokóligin sý jiegimen júrgizip, tipti sýǵa kirgizgen 40 jastaǵy er adamdy anyqtady. Ol kezde jaǵalaýda jáne sýda eresekter men jas balalar shomylyp júrgen.
Quqyq qorǵaý organdarynyń málimetinshe, júrgizýshi óz áreketimen ainalasyndaǵylardyń ómiri men densaýlyǵyna naqty qaýip tóndirgen. Onyń Taraz qalasynyń turǵyny Nurlan Isaev ekeni anyqtaldy.
Sot sheshimimen quqyq buzýshy 10 táýlikke ákimshilik qamaqqa alyndy. Al onyń avtokóligi arnaiy aiyp turaǵyna qoiyldy.
Politsiia jappai demalys oryndarynda azamattardyń qaýipsizdigine qater tóndiretin kez kelgen áreketke qatań quqyqtyq baǵa beriletinin eskertti.
«Demalys oryndary qaýipti oiyn-saýyq jasaityn jer emes. Adamdardyń ómiri men densaýlyǵyna qaýip tóndiretin kez kelgen zań buzýshylyqtyń joly kesilip, kináliler zań aiasynda jaýapqa tartylady», – dep málimdedi vedomstvo.
