Balqash qalasyndaǵy №15 mektep-litseige ult kósemi Álihan Bókeihanovtyń esimi berildi. Bul týraly QR normativti quqyqtyq aktileriniń aqparattyq-quqyqtyq júiesi saity habarlady.
«Álihan Bókeihanovtyń esimin «Balqash qalasynyń bilim berý bólimi» memlekettik mekemesiniń «Balqash qalasynyń №15 mektep-litseii» qalalyq memlekettik mekemesine berilsin», - delingen Úkimettiń 2018 jylǵy 24 mamyryndaǵy №286 qaýlysynda.
Osy qaýly alǵashqy resmi jariialanǵan kúninen bastap qoldanysqa engiziledi.
Álihan Bókeihan - kórnekti qoǵam jáne memleket qairatkeri, ult-azattyq jáne Alash qozǵalysynyń jetekshisi, Alashorda avtonomiialy úkimetiniń tóraǵasy, pýblitsist, ǵalym, aýdarmashy.
Aita ketsek, 2016 jyly «№15 mektep-litsei» KMM ujymy Álihan Bókeihanovtyń esimin ardaqtap, urpaqtar esinde máńgi saqtaý maqsatynda mektepke atyn berý máselesin kótergen bolatyn. Halyqaralyq «Qazaq tili» qoǵamynyń qalalyq filialynyń alqa músheleri men ziialy qaýym ókilderi de atalǵan bastamaǵa ún qosyp, qoldaý bildirgen-di.
