Balqashta djip tizgindegen júrgizýshi jaiaý júrginshiler jolyn samokatpen kesip ótpek bolǵan balany qaǵyp ketti, dep habarlaidy Sputnik Qazaqstan.
Qaraǵandy oblysynyń politsiia departamentiniń málimetinshe, oqiǵa 7 mamyr kúni Jeltoqsan kóshesinde bolǵan. Atalǵan jaǵdai kóshedegi beinebaqylaý kamerasyna túsip qalǵan.
"Osy jyldyń 7 mamyrynda saǵat 14.56 shamasynda Toyota RAV-4 avtokóliginiń 63 jastaǵy júrgizýshisi rettelmegen jaiaý júrginshiler jolynyń júrý bóliginen ótip bara jatqan balany qaǵyp ketken. Jol apaty saldarynan 8 jasar jaiaý júrginshi aýrýhanaǵa jetkizildi, - delingen politsiia habarlamasynda.
Atalǵan fakti boiynsha tiisti saraptamalar taǵaiyndalǵan. Olardyń nátijesinde protsessýaldyq sheshim qabyldanady.
Balqash qalasynyń ortalyq aýrýhanasyna jetkizilgen zardap shegýshige ota jasaldy. Bala bas-mi jaraqatyn alǵan jáne qursaq qýysy músheleri zaqymdanǵan. Jaǵdaiy birqalypty.
