Foto: Úkimet
Qaraǵandy oblysyndaǵy birqatar meditsinalyq nysandy júzege asyrýǵa Arnaýly memlekettik qordan shamamen 7,5 mlrd teńge bólindi, dep habarlaidy Ult.kz.
Atap aitqanda, Qaraǵandydaǵy jańa onkologiialyq ortalyqtyń operatsiialyq-reanimatsiialyq blogyn zamanaýi jabdyqtarmen jaraqtandyrýǵa 6,2 mlrd teńge bólindi. Oblystyq biýdjetten qosymsha 1,74 mlrd teńge kóleminde birlesip qarjylandyrý kózdelgen. Qazirgi ýaqytta nysannyń daiyndyǵy 70%-ǵa jetti, ishki árleý jumystary júrgizilýde.
Balqash qalasynda qazirgi ýaqytta kúrdeli jóndeý júrgizilip jatqan kópbeiindi aýrýhana bazasynda aýdanaralyq meditsinalyq hab qurylady. Bul maqsattarǵa 1 mlrd teńgeden astam qarjy bólindi, jalpy quny 1,27 mlrd teńgeni quraidy. Joba aiasynda angiografiialyq operatsiialyq jáne qabyldaý-diagnostikalyq bólimshelerdi ornalastyrý úshin qosymsha korpýstyń qurylysy aiaqtalýda. Búgingi tańda nysan 96%-ǵa daiyn. Sondai-aq qańqany salý, injenerlik jelilerdi tóseý jáne ishki árleý boiynsha negizgi jumystar aiaqtaldy. Nysandy osy jyldyń sońyna deiin tapsyrý josparlanǵan.
Sonymen qatar Balqashta balalardy ońaltý ortalyǵy qurylýda: burynǵy sanatorii ǵimaratyn qaita jabdyqtaý úshin 272,1 mln teńge baǵyttaldy. Joba statsionar jáne ambýlatoriialyq qabyldaýdy uiymdastyrýdy kózdeidi. Reabilitologtardy, nevropatologtardy, logopedterdi jáne EDSh nusqaýshylaryn qosa alǵanda, tar beiindi mamandardan turatyn kópsalaly komanda qurylady. Bul balalarǵa oblys ortalyǵyna barmai-aq sapaly ońaltýǵa qol jetkizýdi qamtamasyz etedi. Jumystardy aiaqtaý 2026 jyldyń aqpan aiyna josparlanýda.
Osy jobalardy júzege asyrý óńirdegi meditsinalyq kómektiń sapasyn arttyrady. Osylaisha, angiografiialyq operatsiialyq bólimsheni iske qosý «altyn saǵat» qaǵidasy negizinde jáne patsientterdiń ómirin saqtai otyryp, Balqash turǵyndaryna infarkt pen insýlt kezinde shuǵyl joǵary tehnologiialyq kómek kórsetýge múmkindik beredi. Ońaltý ortalyǵynyń ashylýy turǵylyqty jeri boiynsha erekshe qajettilikteri bar balalar úshin qalpyna keltirý emin úzdiksiz alýdy qamtamasyz etedi.
