Balqash inspektorlary Qyzyl kitapqa engen qyrandy qutqardy, dep habarlaidy "Ult aqparat".
QR AShM Orman sharýashylyǵy jáne janýarlar álemi komitetiniń baspasóz hatshysy Sáken Dildahmet Facebook paraqshasynda jazǵandai, Balqash qalasynyń turǵyny jaraly qyrandy taýyp alǵanyn aityp, politsiia bólimine kelgen. Áiel Aqtoǵai aýdanynyń Qońyrat kentine jaqyn mańnan jabaiy qusty ózdiginen usha almai qinalǵan jerinen tapqan kórinedi.
«2019 jyldyń 8 tamyzynda inspektorlar qyrandy Balqashtan Qaraǵandyǵa jetkizip, emdeý úshin Qaraǵandy qalalyq zoologiialyq baqqa jiberdi. Tekserý barysynda jabaiy qustyń Qyzyl kitapqa engen qyran ekeni anyqtaldy. Qustyń bul túri Qazaqstannyń ońtústiginde meken etedi. Sany kóp emes. Tipti azaiyp bara jatqan qustardyń qatarynda», - dep jazady Sáken Dildahmet.
Qyrannyń bul túri óziniń balapandaryn jylanmen qorektendiretin kórinedi. Tolyq em alǵannan keiin kók taǵysy erkindikke ushyrylady.
