بالقاش ينسپەكتورلارى قىزىل كٸتاپقا ەنگەن قىراندى قۇتقاردى, دەپ حابارلايدى "ۇلت اقپارات".
قر اشم ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت Facebook پاراقشاسىندا جازعانداي, بالقاش قالاسىنىڭ تۇرعىنى جارالى قىراندى تاۋىپ العانىن ايتىپ, پوليتسييا بٶلٸمٸنە كەلگەن. ەيەل اقتوعاي اۋدانىنىڭ قوڭىرات كەنتٸنە جاقىن ماڭنان جابايى قۇستى ٶزدٸگٸنەن ۇشا الماي قينالعان جەرٸنەن تاپقان كٶرٸنەدٸ.
«2019 جىلدىڭ 8 تامىزىندا ينسپەكتورلار قىراندى بالقاشتان قاراعاندىعا جەتكٸزٸپ, ەمدەۋ ٷشٸن قاراعاندى قالالىق زوولوگييالىق باققا جٸبەردٸ. تەكسەرۋ بارىسىندا جابايى قۇستىڭ قىزىل كٸتاپقا ەنگەن قىران ەكەنٸ انىقتالدى. قۇستىڭ بۇل تٷرٸ قازاقستاننىڭ وڭتٷستٸگٸندە مەكەن ەتەدٸ. سانى كٶپ ەمەس. تٸپتٸ ازايىپ بارا جاتقان قۇستاردىڭ قاتارىندا», - دەپ جازادى سەكەن دٸلداحمەت.
قىراننىڭ بۇل تٷرٸ ٶزٸنٸڭ بالاپاندارىن جىلانمەن قورەكتەندٸرەتٸن كٶرٸنەدٸ. تولىق ەم العاننان كەيٸن كٶك تاعىسى ەركٸندٸككە ۇشىرىلادى.
