Ońtústik Qazaqstan oblysynda 7 jastaǵy balany zorlaý kúdigine ilikken oqýshylar da memleket qorǵaýynda. Bul týraly búgin Ortalyq kommýnikatsiialar qyzmetindegi brifingte QR Bala quqyqtary jónindegi ýákili Zaǵipa Balieva aitty, dep habarlaidy QazAqparat.
Brifing barysynda ol tek 7 jastaǵy balamen ǵana bailanysqanyn, al kúdiktilermen áli kezdespegenin basa aitty.
«Saraptama taǵaiyndalǵanyn, barlyq balalar memlekettiń qorǵaýyna alynǵanyn bilemin. Atalǵan qylmystyq jasaý kúdigine ilikkender de - balalar. Olar da - memlekettik qorǵaýynda», - dedi ol.
Bala quqyqtary jónindegi ýákildiń aitýynsha, kúdiktiler mektepke baryp júr.
«Olarǵa da osy baǵdarlama boiynsha psihologiialyq kómek kórsetý qajet. Tóńiregindegiler de olarǵa osy sebepterge bailanysty suraqtar qoiyp, túrtpekteidi. Men barlyq tarapty, barlyq balalardy, onyń ishinde zańmen problemasy bar, belgili bir shekten shyǵyp ketken balalardy da qorǵaýǵa mindettimin. Men úshin bóten bala jáne jumys istemeýim qajet bala joq», - dedi Zaǵipa Balieva.
Buǵan deiin habarlaǵanymyzdai, Zaǵipa Balieva 7 jasar balaǵa keshendi ári tolyqqandy saraptama júrgizý qajettigin aitqan bolatyn.
Sonymen qatar ol bala otbasynyń áleýmettik mártebesi týraly da sóz qozǵaǵan edi.
