"Ulttyń áleýetin arttyrý úshin mádenietimiz ben ideologiiamyzdy odan ári damytýymyz kerek. Rýhani jańǵyrýdyń mán-mańyzy da naq osynda", – degen edi Qazaqstan Respýblikasynyń Prezidenti N. Nazarbaev 2018 jylǵy 10 qańtaryndaǵy joldaýynda. Úlken kartinalar shaǵyn natiýrmorttardan bastaý alady. Endeshe, balalar men jasóspirimder shyǵarmalaryn, olarǵa arnalǵan ádebi týyndylar men aýdarmalardy aqparattandyrý jáne jalpy balalar ádebietin damytý maqsatynda nazarlaryńyzǵa Qazaqstannyń ár túkpirinde oqityn mektep oqýshylarynyń júrekjardy jyrlaryn usynǵandy jón sanadyq.
Táýelsiz el
Ata-babam uzaq kútken teńdigin,
Ulan-ǵaiyr dalam, meniń – keńdigim.
Urpaqtary kórdi barlyq baqytty,
Táýelsizdik — erkindigim, eldigim.
Táýelsizdik bizge ońai kelmedi,
Kúreskerler qaimyqpady, erledi.
Qany menen janyn bergen
Esimderi múmkin emes ólmegi.
Aq mamyq
Aq mamyq jaýyp aspannan,
Juldyzdar monshaq shashqandai.
Appaqty mundai kórmedim,
Jańa túsken aq qardai.
Ainalamyz appaq qar—
Qys aiynyń sáni bul.
Bolsa da talai taqpaqtar,
Jańa jyr jazdym báribir.
Batyrǵali Meiirlan,
Mańǵystaý oblysy, Beineý aýdany
Kók týym
Baqytym bar elimde,
Yrys tolǵan jerimde.
Biikteter eńseni,
Kók týym bar kógimde.
Qarap turam eljirep,
Nurlanady tóńirek.
Qarańdarshy meni dep,
Kók týym tur jelbirep.
Janel Jóken, 159 gimnaziia oqýshysy,
Almaty qalasy
Naýryz
Ulystyń uly kúni toilanýda,
Ótken kúndi jaqsylyqpen oiǵa alýda.
Aǵashqa aq quiylyp ósip turǵan,
Butaǵyna aq shúberek bailanýda.
Aqsaqal bata berip birligim dep,
Birligińmen jalǵassyn tirligiń dep.
Qazaqty osynaý bir uly toida,
Ajyrata alady kim búgin kep.
Bul kúni kóje dámdi baldan tátti,
Dámin tatqan min aityp shamdanbapty.
Qazaǵym dál osy bir merekedei
Ótkize bersinshi tek qalǵan baqty.
Bulbul Máýletqajina,
ShQO, Úrjar aýdany
Asyl anam
Qyzyq seniń qýanyshyń,
Tańnyń arai shýaǵysyń,
Shyqsa keide keiip úniń,
Tárbielik meiirimiń.
Kezinde san óbektegen,
Uqsap qalam bóbekke men.
Shapaǵaty shashyraǵan,
Aman júrshi, asyl anam!
Adyrbek Beibarys,
Shymkent qalasy
Aýylym
Mine, meniń aýylym – nur mekenim,
Áldilep, besigimdi terbetkeniń.
Sezbeppin-aý sezimniń mende ekenin,
Bilmeppin-aý, baqyttyń sende ekenin.
Bi bileýdi úiretken tal-teregiń,
Bir ózińnen sezindim án-deregin.
Jer betiniń jumaǵy sen ekensiń,
Senen artyq mekenim bar ma meniń?!
Aqnur Qurmanbai,
Almaty oblysy, Panfilov aýdany
Qazaqstan
Qazaqstan, uly elim jańǵyrǵan,
Tálim alǵan Abai, Muhtar, Jambyldan.
Qiyndyqqa moiymaǵan qashanda,
Óte bilgen synǵa toly san jyldan.
Qazaqstan, jarqyldasyn alaýyń,
Oryndalsyn kózdegeniń, qalaýyń.
Talai synda ústem bolyp mártebeń,
Tek biikten jelbiresin jalaýyń.
Aqjibek Rahatbek,
Alakól aýdany, Qabanbai aýyly
Kók bairaǵym
Kók bairaǵym kógimde jelbireidi,
Eldi súigen júregim eljireidi.
Ultyn súigen ulandar maqtanyshpen,
Qazaǵymnyń netken keń jeri deidi.
Kók týymda qyran qus qalyqtaidy,
Baitaq jerde Ánuran shalyqtaidy.
Til, jerin bailyǵym dep biletin,
Jas ulan jyr jazýdan jalyqpaidy.
Mahabbat TASBOLATOVA.
Aqtóbe oblysy, Muǵaljar aýdany, Qumsai aýyly.
Men - qazaqpyn!
«Men – qazaqpyn, myń ólip, myń tirilgen»,
Maqtanamyn anam týǵan tilimmen.
Dúniege jar salamyn aiqailap,
Sábi júrek, pák perishte únimmen.
Men – qazaqpyn, ulylardyń kózimin,
Abai, Muhtar, Baýkeńderdiń sózimin.
Jetkizemin jaýqazyndai jyrymmen,
Juban, Maǵjan, Sákenderdiń sezimin.
Men – qazaqpyn, men – ultymnyń ulymyn,
Muqaǵali, Muhtarlardyń jyrymyn.
Basqa janǵa bas imeitin Táńirden,
Men azatpyn, bir Allanyń qulymyn.
Men – qazaqpyn, jatty baýyr kóremin,
Qolda bardy qonaǵyma beremin.
Pendelikti peiilime jeńdirip,
Erteńime esh alańsyz senemin.
Men – qazaqpyn, aldaspandai ótkirmin,
Elim desem, kelmes qarap tek turǵym.
Ókinemin ógeisitip óz tilin,
Ózge tilde shúldirlese kóp qurbym.
Men – qazaqpyn, shyndyq meniń uranym,
Shyndyqty men alashym dep uǵamyn.
Tilim, jerim, elim deitin eńirep,
Erteń men de ata jolyn qýamyn.
Qazaqpyn men, pir tutamyn tilimdi,
Qara nar bop kóteremin júgińdi.
«Qazaǵym» dep qars aiyrylǵan júregi,
Bala Jambyl – men bolamyn búgingi!
Jambyl Dúisenov, Almaty qalasy
