Almatyda InterContinental qonaq úiinde bolǵan qyz balanyń ólimine qatysty Ulybritaniia azamaty Barakat Mohamedke sot úkimi shyqty, dep habarlaidy "Ult aqparat".
Sot ony QR QK 99-babynyń 3-bólimimen aiypty dep taýyp 20 jylǵa bas bostandyǵynan aiyrdy.
Sonymen qatar, ol 5 jylǵa Qazaqstan Respýblikasy territoriiasynan alastatylady.
Sottalýshy jazasyn qaýipsizdigi barynsha joǵary qylmystyq atqarý júiesi mekemesinde óteitin bolady.
Aita ketý kerek, oqiǵa 2019 jyly 24 qazanda bolǵan edi. Almatydaǵy InterContinental qonaq úiinde 1,5 jastaǵy Sofiia Barakat esimdi qyz bala kóz jumǵan bolatyn. Politsiia kúdikti retinde onyń ákesi Barakat Mohammedti ustady.
Biyl jazda atalǵan oqiǵaǵa bailanysty sot bastaldy. Aiyptaý aktisine bailanysty Barakat Mohammed sheteldik áýe kompaniiasynda ushqysh bolyp istegen. 22 jastaǵy Qazaqstan azamatshasyna úilengen. Bala qaitys bolatyn kúni ol esirtki shegip, araq ishken.
