Balasymen úide otyrýǵa májbúr ata-analarǵa aqy tólenetin eńbek demalysy qalai beriledi? Bul suraqqa OKQ-da ótken baspasóz máslihatynda QR Eńbek jáne halyqty áleýmettik qorǵaý ministrligi komitetiniń tóraǵasy – QR bas memlekettik eńbek inspektory Erbol Nurǵaliev jaýap berdi, dep habarlaidy "Ult aqparat".
«Prezident jumys berýshilermen bul máseleni birlese júrgizýdi tapsyrǵan edi. Qazirgi ýaqytta bizdiń ministrlik oblys ákimdikterine keńesterdi joldady. Tiisinshe qazir jumys berýshilermen túsindirý jumysyn júrgizý kerek. Biraq qazirgi qoldanystaǵy kodeks boiynsha aqy tólenetin eńbek demalysy kestege sáikes nemese taraptardyń kelisimi boiynsha kez kelgen ýaqytta beriledi. Eńbek zańnamasy buǵan qarsy emes», - dedi Erbol Nurǵaliev.
Eske sala ketsek, Aqordada keshe Memleket basshysy Qasym-Jomart Toqaevtyń qatysýymen jedel áreket etý shtabynyń otyrysy ótkizilgen bolatyn. Otyrys barysynda Prezident balasymen úide otyrýǵa májbúr ata-analardy aqy tólenetin eńbek demalysyna jiberýdi tapsyryp, jumys berýshilermen osy tapsyrmany iske asyrý sheńberinde jumys júrgizýdi júktegen bolatyn.
