بالاسىمەن ٷيدە وتىرۋعا مەجبٷر اتا-انالارعا اقى تٶلەنەتٸن ەڭبەك دەمالىسى قالاي بەرٸلەدٸ? بۇل سۇراققا وكق-دا ٶتكەن باسپاسٶز مەسليحاتىندا قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ كوميتەتٸنٸڭ تٶراعاسى – قر باس مەملەكەتتٸك ەڭبەك ينسپەكتورى ەربول نۇرعاليەۆ جاۋاپ بەردٸ, دەپ حابارلايدى "ۇلت اقپارات".
«پرەزيدەنت جۇمىس بەرۋشٸلەرمەن بۇل مەسەلەنٸ بٸرلەسە جٷرگٸزۋدٸ تاپسىرعان ەدٸ. قازٸرگٸ ۋاقىتتا بٸزدٸڭ مينيسترلٸك وبلىس ەكٸمدٸكتەرٸنە كەڭەستەردٸ جولدادى. تيٸسٸنشە قازٸر جۇمىس بەرۋشٸلەرمەن تٷسٸندٸرۋ جۇمىسىن جٷرگٸزۋ كەرەك. بٸراق قازٸرگٸ قولدانىستاعى كودەكس بويىنشا اقى تٶلەنەتٸن ەڭبەك دەمالىسى كەستەگە سەيكەس نەمەسە تاراپتاردىڭ كەلٸسٸمٸ بويىنشا كەز كەلگەن ۋاقىتتا بەرٸلەدٸ. ەڭبەك زاڭناماسى بۇعان قارسى ەمەس», - دەدٸ ەربول نۇرعاليەۆ.
ەسكە سالا كەتسەك, اقوردادا كەشە مەملەكەت باسشىسى قاسىم-جومارت توقاەۆتىڭ قاتىسۋىمەن جەدەل ەرەكەت ەتۋ شتابىنىڭ وتىرىسى ٶتكٸزٸلگەن بولاتىن. وتىرىس بارىسىندا پرەزيدەنت بالاسىمەن ٷيدە وتىرۋعا مەجبٷر اتا-انالاردى اقى تٶلەنەتٸن ەڭبەك دەمالىسىنا جٸبەرۋدٸ تاپسىرىپ, جۇمىس بەرۋشٸلەرمەن وسى تاپسىرمانى ٸسكە اسىرۋ شەڭبەرٸندە جۇمىس جٷرگٸزۋدٸ جٷكتەگەن بولاتىن.
