Almatydaǵy jekemenshik mektepterdiń biriniń ájethanasynda birneshe ret zorlandy degen balanyń ákesi oqiǵanyń mán-jaiyn aityp berdi, - dep habarlaidy Tengrinews.kz tilshisi "Astana" telearnasyna silteme jasap.
Ákesiniń aitýynsha, ulyna qatysty zorlyq-zombylyq týraly alǵashqy belgiler byltyrǵy jeltoqsanda anyqtala bastaǵan. Oqýshynyń basynda gematomalar baiqalǵan. Synyp jetekshisi munyń sebebin anyqtaýǵa ýáde bergen.
Ákesi balanyń lastanǵan kiimin kórgende zorlyq bolǵanyna kóz jetkizdim deidi.
"Men "bul ne" dep suradym, ol "boiaý ǵoi, áke" dep qana jaýap berdi. Sosyn tazalai bastady. Sosyn bul boiaý bolsa nege tez tazalanatynyn suradym. Sonda ulym bylai dedi: jańa jyldan keiin Ramazan men Kárim ájethanada osylai istei bastady. Oqytýshy sabaq kezinde jiberedi eken, májbúrlep shyǵaryp jiberedi eken", - deidi balanyń ákesi Mustafa.
Er adam ulyn jetinshi synyp oqýshylary zorlaǵanyn aitady, al oqytýshylar men mektep basshylyǵy buǵan kóz jumdy dep otyr.
"Bireýi qolyn ustap turady, deidi. Ekinshisi kózin jabady eken. Sosyn ádetke ainalǵan siiaqty. Qansha ret boldy dep surasam, 10-12 ret bolǵanyn aityp otyr. Ózi solai dedi. Taǵy bireýi bar deidi. Eresekteý. Ol úlkendeý, basqa synypta oqidy. Zattar bolǵan, tergeýshige ótkizdim, onda adam nájisi men sháýet boldy. Shalbarynan da tabyldy", - deidi oqýshynyń ákesi.
Biraq bilim berý mekemesiniń pedagogteri bala zorlandy degen aqparatty joqqa shyǵaryp otyr.
"Qaitalap aitamyn: bul jalǵan aqparat. Maǵan saǵat altyda aqparat kelip tústi, men bul qyzǵa birden bylai dep jazdym: Siz mektepte boldyńyz, oqytýshylarmen, balalarmen sóilestińiz be? Kameraǵa túsken videony qarap shyǵýǵa bolady, diskti politsiia alyp ketti", - dedi birinshi synyp oqytýshysy Natalia Kanaeva.
Bilim jáne ǵylym ministrligi ókilderi mektepte tekseris júretinin habarlady. Oqiǵanyń mán-jaiyn anyqtaý úshin Balalar quqyǵyn qorǵaý komitetiniń qyzmetkerleri Almatyǵa attanǵan. Saraptama zertteýleri taǵaiyndalyp, onyń nátijesinde zorlyq deregi bar-joǵy tekseriledi.
