Kollaj: Kazinform
Balalar kóshede boqtap, beiádep sóz aitsa, ata-anasy aiyppul tóleidi. Ishki ister ministrligi zańnama jaǵyn túsindirdi.
Beiádep sóz aitý – Qazaqstan Respýblikasynyń Ákimshilik quqyq buzýshylyq týraly kodeksiniń 434-baby boiynsha usaq buzaqylyq.
Eger bala boqtap nemese buzaqylyq jasasa – jaýapkershilik ata-anaǵa júkteledi. Aiyppul mólsheri balanyń jasyna bailanysty:
- 14–16 jas – ata-anasyna 7 ailyq eseptik kórsetkish (AEK), iaǵni 27 524 teńge aiyppul salynady (QR ÁQBtK 435-bap).
- 16–18 jas – jasóspirimniń ózine aiyppul salynýy múmkin, biraq tabysy bolmasa, ata-anasy tóleidi. 10 AEK-ke deiin, iaǵni 39 320 teńge (QR ÁQBtK 66-bap).
- 12 jasqa deiin – tolyq jaýapkershilik ata-anada. 10–15 AEK mólsherinde aiyppul salynady (39 320 – 58 980 teńge) (QR ÁQBtK 127-bap).
Kináni dáleldeý úshin politsiiaǵa kelesi materialdardy usyný kerek:
- kýágerlerdiń aryz-shaǵymy;
- beine nemese aýdiojazba;
- internette nemese jazbasha túrdegi qorlaý jaǵdaiyna qatysty saraptama qorytyndysy.
Eske salaiyq, elimizde prank úshin 7 jylǵa deiin jaza arqalaýy múmkin. Osy oraida blogerler men halyq neni bilýi kerektigine sholý jasaǵan edik.
